Diyarname
Hunermenda navdar Angelina Jolie ji ber tirsa qansêrê her du singên xwe jêkirin.

Lîstikvan Jolie ji bo rojnameya New York Timesê nivîseke nivîs û di nivîsê de got ku ji ber gena BRCA1 wê her du singên xwe jêkirine. Ev gen sedî 87 dibe sedema qansêra singan û sedî 50 dibe sedema qansêra makehêkan*. Jolie gotiye ji ber ku ev rîsk hebû wê her du singên xwe jêkirin.

Jolie gotiye ku di meha reşemiyê de dest bi vê operasyonê kiriye, di meha avrêlê de temam bûye, diyar kiriye ku diya wê di 56 saliya xwe de ji ber qansêra makehêkan wefat kiriye û gotiye ku wê ji bo zarokên xwe ev biryar daye.

Jolie di gotara xwe ya bi navê "Hilbijêra min a tibî" de gotiye ku diya wê 10 salan ber xwe daye lê di 56 saliya xwe de miriye û wisa dom kiriye: "Dema min ev rastî bihîst, min biryar da ku gavek zûtir bikevim nav tevgerê û rîskê kêmtir bikim. Ji bo ku jinên din ji tecrubeya min sûde bigirin ez van dinivîsim. Peyva qansêr jê jî tirsê dixe dilê mirovan. Lê îro tenê bi testa xwînê jî mirov dikare rîska vê hîn bibe. Ez êdî dikarim ji zarokên xwe re bibêjim ji ber qansêrê ezê nemirim. Ez wekî diya wan her gav çawa bûm niha jî wisa me. Ez niha xwe hindiktir jin hîs nakim. Ez xwe xurt hîs dikim."

Her wiha Jolie ji bo hezkirin û piştgiriya destgirtiyê wê Brad Pitt jî sipasiyên xwe pêşkêş kirine.

Not: *Bi îngilîzî "ovarian", bi tirkî "Yumurtalik". Me biryar neda ku di kurdî de jêre çi bibêjin, lê me got "Makehêk". Kesên bibêjin ev gotin şaş e, bila rastiya wê bibêjin emê biguherînin.