Diyarname
Di maça yekem a çarîk fînalê de Almanyayê bi 3-2 Portekîz têk bir û derbasî nîv fînalê bû.

Di EURO 2008 de maça di navbera Almanya û Portekîzê de li stada Saint Jakob Parkê li dar ket.
Almanya ku bi leqeba panzêran tê nasîn di deqîqeya 22'yan de bi Schweinsteiger goleke avêt û di deqîqeya 26'an de jî Klose derket holê bû 2-0. Bi vê Portekîza bi leqeba porteqalan şaş bû. Encax karî di deqîqeya 40'î de bi Nuno Gomes bersivê bide û dewreya yekem a maçê bi vî awayî bi dawî bû: 2-1
Di dewreya duyem de di deqîqeya 61'ê de ji lîstikvanên Almanyayê Ballack vê carê derket holê û skor bir 3-1. Portekîzê di deqîqeya 87'an de bi Helder Postiga bersiv da lê têre nekir û bi 3-2'yan Almanya bi ser ket.
Yekem tîma ku derket nîv fînalê Almanyaye û îro Hirvatistan û Tirkiye dilîzin. Kîjan bi ser bikeve dê bibe reqîbê Almanyayê.

Kunyeya Maçê:
Stad: Saint Jakob Park
Hakêm: Peter Fröjdfeldt, Stefan Wittberg, Henrik Andren
Portekîz: Ricardo - Bosingwa, Pepe, Carvalho, Ferreira - Cristiano Ronaldo, Petit (Dq. 73 Helder Postiga), Moutinho (Dq. 31 Meireles), Simao - Deco, Nuno Gomes (Dq. 67 Nani)
Almanya Lehmann - Friedrich, Mertesacker, Metzelder, Lahm - Schweinsteiger (Dq. 83 Fritz), Rolfes, Ballack, Hitzlsperger (Dq. 73 Borowski) - Klose (Dq. 89 Jansen), Podolski
Gol: Dq. 40 Nuno Gomes, dq. 87 Helder Postiga (Portekîz) / dq. 22 Schweinsteiger, dq. 26 Klose, dq. 61 Ballack (ALmanya)