Diyarname
Komeleya Mafên Mirovan a Amedê (îHD) êdi dê her sal xelatê bide. Ew îsal xelatê didin Leyla Zana.

îHD'ya Amedê ev 20 sal in di warê mafên mirovan de xebatê dide. Komeleyê heta niha Noam Chomsky jî di nav de di warê mafên mirovan de xelat dabî. Komele niha êdî dê vê xelatê bi awayekî peryodîk bide. îsal vê xelatê didin Leyla Zana.
Komeleyê da zanîn ku Zana di avakirina komeleyê de ked xerc kiriye, li hemberî îhlalên mafên mirovan helwesteke rast nîşan daye, alîgirê yên tên çewsandin, di warê azadiya fikr û ramanê de bi awayekî zelal fikrê xwe aniye ziman, ji ber van yekan ew ji bo xelatê guncav hatiye dîtin.

Li gor daxuyaniya komeleyê 10'ê vê mehê saet 11'an de li avahiya komeleyê dê "Rapora Binpêkirina Mafên Mirovan a sala 2008'an" bê eşkerekirin. Dûre jî saet 11.30'yan de li Şanogeha Şaredariya Bajarê Mezin a Amedê bi merasimekê "Xelata Mafên Mirovan" bê dayîn.