Enqere
Hevseroka Giştî ya BDP'ê Gultan Kişanak di kongreya Meclîsa Jinan a BDP'ê de axivî û diyar kir ku, têkoşîna jin di navenda wê de neyî dê kêmas be û azadî û demokrasiyê bi tu tiştî nadin guherîn. Kişanak wiha bang li jinên Tirkiyeyê kir: "Werin em bi hev re aştiyê ava bikin."
2'emîn Kongreya Asayî ya Meclîsa Jinan a BDP'ê bi beşdariya bi hezaran jinan dest pê kir. Berdevka Meclisa Jinan a BDP'ê Pelîn Yilmaz bi kurdî û tirkî girse silav kir û diyar kir ku, bi hev re şer kirin û gav bi gav mezin bûn û rêxistinbûna xwe bilind kirin. Yilmaz anî ziman ku, di asta hatinê de di gelek mekanîzmayan de cih digirin û di hevserokatiyan de, rêveberiyên heremî û kotaya jinê bi dest xistin. Yilmaz da zanîn ku, ji bo çareseriya pirsgirêkên civakî gelek peywirên girîng girtin û xebatên jinan berdewam dikin.
Yilmaz bilêv kir ku jin di bin bangê DOKH'ê de rêxistinbûna xwe dikin û li her qadê di bin banekî de hatin cem hev. Yilmaz destnîşan kir ku, DOKH li erdnîgariya Rojhilata Navîn rêxistinbûna jinê ya herî bi paye ye. Yilmaz got ku, komkujiya Parîsê ji bîrnekirin û jibîrnakin. Yilmaz bal kişand ser girtiyên jin û anî ziman ku di pêvajoya çareserî tê nîqaşkirin li girtîgehan binpêkirinên mafên mirovan gelek dijwar in.
‘OCALAN ÇIQAS GIRÎNGÎ DA BERXWEDANA KURD EWQAS JÎ DA AZADIYA JINÊ’
Yilmaz diyar kir ku, ji şîara "Rizgariya Demokratîk jiyana azad" paşve gav avêtin tuneye û wiha got: "Rêberê Gelê Kurd Birêz Abdullah Ocalan qasî girîngî da berxwedana Kurd ewqas girîngî da azadiya jinê jî. Jinan peyama Birêz Ocalan li dilê xwe nivîsîn. Ew çiqas girîngiyê dide azadiya jinê em jî ewqas girîngiyê didin azadiya Birêz Ocalan." Yilmaz bal kişand ser jinên bêewlehî dixebitin, cînayetên jinan, qetilkirina kesên LGBTT û jinên keda wan tên destserkirin. Yilmaz hemû jinên ji 8'ê Adarê heta 1'ê Gulanê berxwe didin silav kirin. Yilmaz axaftina xwe bi slogana "Jin jiyan azadî" bi dawî kir.
PEYAMA GIRTIYÊN JI DOZA PAJK'Ê
Şaredara Lîceyê Fîkriye Aytekîn peyamên girtiyên ji doza PAJK'ê, parlementerên BDP'ê Gulser Yildirim û Selma Irmak û girtiyên din ên jin xwend. Di peyaman de têkoşîn û berxwenda heta niha hatî dayîn hate silavkirin. Girtiyên PAJK'î di peyama xwe de diyar kirin ku sekna Sakîne Cansiz a ku li Parîsê hate qetilkirin ji aliyê dîrokê ve hate nivîsandin û berxwedana hemû jinên li ser vê esasê têkoşîn dayîn esas digirin. Di peyaman de di serî de li hemberî Girtîgeha Tekîrdagê û hemû girtîgehan bi hestari bin bang hate kirin.
‘EM AZADIYÊ BI TU TIŞTÎ NAGUHERÎNIN’
Hevseroka Giştî ya BDP'ê Gultan Kişanak jî axaftina xwe bi silavkirina kurdî dest pê kir. Kişanak hemû jinên di têkoşîna jinan de cih girtin û di navbera wan de neyîn silav kirin û ji hemû girtiyên jin re silav şandin. Kişanak diyar kir ku, ew di pêvajoyek gelek girîng re derbas dibin û ji bo çareseriya pirsgirêka Kurd rêbazên demokratîk esas girtin û wiha got: "Xwedî derketina pêvajoya Birêz Ocalan daye dest pêkirin girînge. Em hêjayî dayîkên aştiyê û hemû dayîkên zarokên xwe winda kirin bibin girînge. Em dê vê têkoşînê mezin bikin û bigihijînîn serkeftinê. Em ji bo hêjayî Birêz Ocalan ê ku pêvajo ji bo hemû mirovahiyê daye destpêkirin bibin dê mezin bikin." Kişanak anî ziman ku, jinên Tirkiyeyî dibêjin gelê Kurd mafên xwe kirin mijara bazariyê û wiha axivî: "Tu bazar ji zarokên we biqîmetir nîne. Em jinên Kurd bi banga Birêz Ocalan hewil didin zarokên we biparêzin. Hemû kesên li vî welatî dijîn bila wekhev bin. Bila mafên xwe bikarbînin. Em dixwazin xwîn rawestê. Dibêjin Kurd mafên xwe dikin mijar bazarê. Nemimkune ku em mafên xwe bikin mijara bazarê. Em azadî û demokrasiyê bi tu tiştî naguherînin. Em li welatekî mafê jiyana jinan ji holê radikin dijîn. Ez li vir bang li hemû jinên Tirkiyeyî dikim. Heke rojekê aştî pêk bê dê birûmet, demokratîk û hemû kes jê keyfxweş be." Kişanak da zanîn ku jinan her tim di pêvajoya têkoşîna civakî de cihê xwe girt û dê her tim têkoşîna xwe bidomîne û wiha axivî: "Em dê weke her car di têkoşînê de cihê xwe bigirin. Em dê bi hemû jinan re vê têkoşînê bidomînin. Em dê di têkoşîna ked û demokrasiyê de cihê xwe bigirin."
'WERIN EM BI HEV RE AŞTIYÊ ÎNŞA BIKIN'
Kişanak bilêv kir ku di necama pirsgirêka Kurd de her malbat û jinê êş û travmayên mezin jiyan kirin û wiha pê de çû: "Trawmaya herî mezin dayîkên zarokên xwe windakirin jiyankirin. Ji bo ku em hêjayî bedelên hatin dayîn weke berê em dê dîsa têkoşîna xwe bidomînin û divê em pêşengiyê bikin." Kişanak wiha bang li jinên Tirkiyeyî kir: "Werin em jin hemû bi hev re dest bidin hev û em hemû bi hev re aştiyê qezenc bikin. Di pêvajoya jin dest bidin hev tu kes winda nake. Ez ji jinên Tirkiyeyî re dibêjim werin em bi hev re têkoşînê bikin. Me heta vir bar anî. Em ji vê yekê gilî nakin. Ez li vir bang dikim. Werin em aştiyê niha parve bikin. Em bi hev re demokrasiyê ava bikin." Kişanak destnîşan kir ku, pirsgirêka jinê qasî pirsgirêka Kurd girane. Kişanak bal kişand ser zarokên jin ên hêj biçûk dikin bûk, cînayetên jinan. Kişanak da zanîn ku, ew dê hêj bêtir rêxistinbûna xwe mezin bikin.
‘BIRÊZ OCALAN SEROKÊ VÎ GELIYE’
Hevseroka KCD'ê Aysel Tugluk jî diyar kir ku, jin tê wateya jiyanê û çareseriya demokratîk û aştiyane ya pirsgirêka Kurd girêdayî jinane û wiha got: "Em weke jinên Kurd û siyasetmedarên Kurd dê vê têkoşînê biserbixin. Em soza vê yekê didin." Tugluk anî ziman ku, ew dê jiyana azadî û demokratîk bi hev re ava bikin û wiha axivî: "Birêz Ocalan serokê vî gelî ye. Seroke. Em xwedî li têkoşîna aştî û azadiya vî gelî derkevin. Ji bo Birêz Ocalan bi hêz tevlî pêvajoyê bibe divê şertên wî bên sererastkirin. Ji ber vê yekê behsa piştevaniya kurd û tirkan tê kirin. Ji bo Birêz Ocalan bang li gelê kurd û tirk bike divê şertên wî bên sererastkirin. Ez bawer dikim ji bo aştiyê û çareseriyê ev yek guncawe. Em jin dê di her qada jiyanê de cih bigirin. Çareseriya bêyî jinê çênabe."