Diyarname
Sony Pictures dê fîlmê “He-Man and the Masters of the Universe" (He-Man û Hakimên Kaînatê) bikişîne û hat diyarkirin ku fîlm di 18'ê berfanbara 2019'an de bikeve vîzyonê.

"He-Man" pêşî ji aliyê kompanyaya Mattel ve di sala 1976'an de wekî pêlîstokek hatibû sazkirin û dûre di sala 1983'yan de wezî karton fîlm hatibû kişandin. Ev kartonfîlmê He-Man li gelek welatan di televîzyonan de hatibû nîşandayîn. Di karton fîlmê de karakterê He-Man şûrê xwe bilind dikir û gotina "He-Man, bi navê hêza siyê" digot, bi vê gotinê bûbû navdar. 
Li ser He-Man berê jî fîlm hatibû kişandin. Versiyona niha senaryoya wê ji aliyê David S. Goyer ve hatiye nivîsandin ku wî berê senaryoyên fîlmên DC yên wekî "Batman Dest pê dike" û "Zilamê Ji Pola" jî nivîsandibû.
Derhêneriya fîlmê "He-Man û Hakimên Kaînatê" dê McG bikira lê ew ji projeyê veqetiya û Sony Pictures niha ligel hin derhêneran hevdîtinan dike.