Vîdeoyek:
 

Diyarname

Amedspor di hefteya çaran de li Stenbolê li Kasımpaşasporê bû mêvan. Kasimpaşa îsal ligel teknîk dîrektor Emre Belezoglu dixwaze di rêzên pêşî de cih bigire ku here Lîga Ewropayê. Amedspor jî di vê sala xwe ya yekê ya Lîga Super de dixwaze cihek baş bigire.
Kasimpaşa hefteya çûyî ligel Başakşehîrê 1-1'ê mabû, Amedspor hefteya çûyî li hemberî Trabzonsporê bi ser ketibû.
Maçê bi vî awayî dest pê kir. Di deqeyên pêşî de Kasimpaşa serdest bû. Amedsporê bi hin atakan bersiv da lê fêde tune bû.

Di deqîqeya 20'î de ji Kasimpaşayê Guven Yalçin di asîsta Claudio Winckî de bi serê xwe lê da û gol avêt: 1-0 45 deqe wisa xilas bûn.

Di deqeyên pêşî yên nîveka duyem de Kasimpaşa ligel alîgirên xwe, li sehayê hê zêdetir gol dixwest. Di deqîqeya 52'yan de Fafferty asist kir û Adrian Benedyczak tîma xwe bir 2-0'ê.

Piştî vê yekê Amedspor hat ser xwe. Piştî van kêliyan êrîşên Amedsporê hê zêdetir bû; Di deqîqeya 59'an de gola yekê ya Amedsporê hat. Golavêjê Amedsporê Gift Orban dema dît qeleparêz li pêş e, gog ji dûr ve û bi ser wî re şand nav torê: 2-1.

Bi vê re hê zêdetir Amedspor li maçê sor bû. Li aliyê din Kasimpaşa sor piştî vê golê hê zêdetir tirs ket dil. Di deqîqeya 82'yan de careke din Orban li ser sehneyê bû: Di qasa Muhammed Khalil de Orbanî carek din qeleparêz têk bir û encam bû 2-2'yê.

Li nav lîstikvanên Kasimpaşayê lîstikvanê herî serketî Fafferty, ew ji sehayê derket, navenda Kasimpaşayê tevlihev bû. Li Amedsporê jî lîstikvanê herî serketî Dia Saba bû teknîk dîrektor ew derxist û Mehmet Yeşil xist sehayê ku ev yek nîşan dida bi yek pûanê razî ye.

Û maç xilas: 2-2.

Amedspor bi yek pûanê ku ji deplasmanê girtina yek pûanê tiştekî baş e vegeriya Amedê. Bi vê encamê Amedsporê pûanên xwe derxistin 7'an, Kasimpaşa jî derxistin 6'an.

Çend îstatîstîk:
Kasimpaşayê 16 şût, 8 jê bi îsabet, Amedspodê 13 şût 5 bi îsaet avêtin ku Amedspor li gor hefteya borî di vî warî de gelek li paş ma. Amedê bi sedî 56, Kasimpaşayê bi sedî 44 bi gogê lîst.