Amed
 “Tûrnûvaya Futbolê ya Navxweyî ya nav saziyan” ku bi hevpariya Şaredariya Peyasê û Komeleya Rojnamegerên Başûrê Rojhilat ve tê organîzekirin, dest pê dike.

Tûrnûvaya fûtbolê par jî hatibû dest pê kirin û îsal dîsa li dar dikeve ku dê bibe wekî kevneşopiyeke. Organîzasyon ji aliyê Gerînendetiya Sporê ya Şaredariya Peyasê û Komeleya Rojnamegerên Başûrê Rojhilat ve tê birêvebirin. Saziyên ku dixwazin beşdar bibin divê heta 1’ê Avrêlê/Nîsanê serîlêdanên xwe bikin. Tûrnûva wê roja 25’ê avrêlê dest pê bike.

Tûrnûva li Kompleksa Sporê ya 500 Evler a Şaredariya Peyasê, li ser du qadên futbolê yên cuda dê were lidarxistin. Pêşî maçên komê û piştre jî maçên qonaxa serkeftinê dê bên kirin.
Di daxuyaniya hevpar a Şaredariya Peyasê û Komeleya Rojnamegerên Başûrê Rojhilat de hat diyarkirin ku armanca sereke ew e ku saziyên li herêmê bîne cem hev, bi rêya sporê hevaltî, hevgirtin û têkiliyên baş xurt bike.

Linka serlêdanê: 
https://docs.google.com/forms/d/e/1FAIpQLSfdpbSnM8Ewh35BmPddTwXHVUl3BCMjX3HcKv145-5OrSkMOA/viewform