DiyarName.Com

1'ê adarê, agahiyên li ser Îranê, êrîşên DYA- Îsraîlê yên li ser Îranê...

Saziya Radyo û Televîzyonê têk çûn
Îsraîl-DYA'yê vê carê li avahiya Lijneya Televîzyon û Radyoyê ya Îranê ku navenda wê li Tehranê ye da.
Pêşkêşvan di weşana zindî de ragihand ku li avahiyê dan; bi vê re weşana gelek kanalan rawestiya.
**

Li ser şerawestinê Wezîrê Îranê û Trump cuda cuda axivîn
Vê êvarkî Serokdewletê DYA'yê Donald Trump got, "Rêberên nû yên Îranê dixwazin bi min re biaxivin. Min jî qebûl kir. Loma ezê ligel wan biaxivim. Wan, ev tiştê ku gelek pratik û gelek hêsan e divê bikirana. Gelek dirêj sekinin."
Wezîrê Karên Derve yê Îranê Abbas Arakçî jî ragihand ku ji bo hemû hewldanên cidî ku vê şerî rawestîne em amade ne.
**

Trump: Me keştîgeha şer a Îranê têk bir
Serokdewletê DYA'yê Donald Trump di daxuyaniya dawî de got, "Me 9 keştiyên şer ên Îranê noqav bikin. Me beşek mezin a hêzên behrê yên Îranê îmha kirin."

Li aliyê din Trumpî ji bo Fox Newsê got ku di êrîşan de DYA'yê 48 rêberên Îranê kuştin. Trumpî ji bo CNBC jî got ku bi qasî wan plan kir zêdetir bi lez pêş ve çû.

Pezeşkiyan: Piştî Xamaney rêberiya konseya demkî hate avakirin
Serokomarê Îranê Mesûd Pezeşkiyan ragihand ku piştî kuştina Ayetullah Elî Xamaney wan biryar daye rêveberiya konseya demkî hate avakirin.
Pezeşkiyan wisa got, "Min, Serokê Dadgerî Gulam Huseyîn Muhsînî Ejeî û endamê Konseya Parêzvanan a Zagona Bingehîn Ayetullah Arafî, me ev konsey ava kir."

Li aliyê din Ahmed Vahîd ji bo Artêşa Mihafizên Şoreşê ya Îranê hat peywirdarkirin.

CENTOM: 3 leşkerên DYA'yê mirin
Serfermandariya Navendî (CENTCOM) ya DYA'yê ragihand ku di êrîşên Îranê de 3 leşkerên wan mirine.
**

Serokomarê berê Ahmedînejad hat kuştin
Çapemeniya îranê ragihand ku di êrîşa Îsraîl-DYA'yê de Serokomarê berê yê Îranê Mahmûd Ahmedînejad hatiye kuştin. Heta niha agahiya fermî nehatiye belavikirin.

Îranê êrîşê Keştiya Şer a Abraham Lincolnî kir
Artêşa Mihafizên Şoreşê ya Îranê bi 4 fuzeyên balîstîk êrîşî Keştiya Balafirêr Şer a Abraham Lincoln a DYA'yê kir.
Li ser vê êrîşê DYA'yê tu daxuyanî belav nekir û encam tiştek bûye yan na jî nayê zanîn.
***

El Cezîre: Endamên KHK'ê dicivin
Kanala El Cezîre ku navenda wê Qetar e ragihand ku Wezîrên Karên Derve yên welatên endamên Konseya Hevkariya Kendavê li ser şerê li Rojhilata Navîn bi lezgîn dicivin.
Kanalê îro piştî nîvro ragihand ku endamên wezîr ên KHK'ê wê îro bi video konferansê li hev bicivin.

Li Îsraîlê 8 kes hatin kuştin
Îsrailê eşkere kir ku di êrîşa Îranê ya bi fuzeyan de li Beit Şemeş a Qudsa Rojava 8 kes mirine û 17 kes jî birîndar bûne. Ji van 4 kes bi giranî birîndar in.

Êrîşên nû yên Îsraîlê bi ser Îranê de
Îro Îsraîl û DYA'yê êrîşê nû bi ser Îranê de birin. Hat gotin ku hedef saziyên dewletê yên Îranê ne. Bombebarana bi ser Tehranê de ji cihên dûr jî hat bihîstin û dîtin. Artêşa Îsraîlê vîdeoyeke êrîşê belav kir.

TESÎRA NEQEBA HURMIZÊ ÇI YE?
Mihafizên Şoreşê yên Îranê duh ragihandin ku Neqeba/Tengava Hurmizê girtine. Wan got ku dê tu keştî ji vê neqebê derbas nebe. Her çiqas agahî ne fermî be jî çapameniya dinyayê li ser agahiyên çavkaniyên Yekîtiya Ewropayê girtine ev nûçe çêkirin.
Nêzî sedî 20'ê petrolê (nêzî 20 milyon varil) dinyayê yê Erebistana Siûdî, Mîrektiya Ereban, Iraq, Kuweyt û Îranê ji vê neqebê re derbas dibe. Ev petrol zêdetir diçe Asyayê. Li aliyê din gaza xwezayî ya herikbar (LNG) a Qetarê jî ji vê neqebê derbasî qada navneteweyî dibû. Ji vê derê re petrol diçû Çînê. Çînê ji Îranê petrol dikirî. Niha Çîn ji Rusyayê jî dikire. Girtina neqebê bandorê li welatên derdorê dê bike, lê bandorê dê li Îranê bi xwe jî bike. Neqeb girtî be, şer dewam bike bandorê dê li buhayê petrolê jî bike.

Li Girtîgeha Evînê rewş kritik e
Komîteya Daxwaza Serbestberdana Girtiyên Siyayî ragihand ku li Îranê, li Girtîgeha Evînê rewşa bi hezaran girtî krîtîk e.
Komîteyê gotiye, "Pergala îdarî ya girtîgehê têk çûye, xebatkarên girtîgehê ji cihê kar reviyane û derî bi ser girtiyan de girtî ne. Belavkirina xwarinê li girtiyan hatiye rawestandin, kantîn girtî ne, têkiliya girtiyan bi derve re hatiye birin. Loma jî bi hezaran girtî di bin talûkeyê de ne."

Serfermandar Musevi û Wezîrê Parastinê Nasirzade hatin kuştin
Televîzyoa dewletê ya Îranê eşkere kir ku di êrîşa DYA-Îsraîlê de Wezîrê Parastinê Abdulrahîm Musivî û Wezîrê Parastinê Azîz Nasirzade hatin kuştin.
Ajansa nûçeyan Tasnîm j3i ragihand ku Serfermandarê Artêşa Mihafizan a Şoreşa îslamî Muhammed Pakpour, Şêwirmendê Serfermandan û Sekretenê Konseya Parastinê Alî Şamxan, Wezîrê Piştriya Hêzên Çekdar û Parastinê Azîz Nasirzadeh di êrîşan de hatine kuştin.

**
Îranê li ser 'pêvajoya nû ya rêveberî' daxuyanî da
Duh di êrîşa DYA û Îsraîlê de Elî Xamaneyî hat kuştin. Piştî vê Sekreterê Konseya Ewlehiya Neteweyî ya Bilind a Îranê Elî Larîjanî got ku ji derve çi êrîş were emê bi dijwarî bersivê bidin.

Piştî ku Îranê mirina Xamaneyî qebûl kir û ragihand, Larîjanî axivî. Larîjanî got, "Bersiva me zelal e. Hêzên me bo şer amade ne. Êrîşên me ji bo amerîkayiyan ji her demê zêdetir dê bi êş bin."

Larîjanî got ku Îsraîl bi piştgiriya DYA'yê dixwaze Îranê parçe bike û çavkaniyên wê talan bike û got, "Emê tu destwerdana ji bo parçekirina welat yan xirakirina yekpareyiya axê qebûl nekin. Yên ku dibêjin piştî mirina Xamaneyî dê rejim têk here şaş in. Amerîka û Îsraîlê bi kuştina Rêberê Me yê Bilind dilê me sotand, emê jî dilê wan bisotînin."