Diyarname

Li ser vexwendina Partiya Komunîst a Çînê heyeta ku ji nûnerên HDP, KCD, DBP, HDK, KJA û ji Hevşaredarên DBP'ê pêk tê dê biçe Çînê.

Partiya Komunîst a Çînê (PÇK) heyet bi awayekî fermî vexwend û heyeta ji 18 kesî pêk tê di navbera 29'ê pûşperê û 10'ê tîrmehê de wê li Çînê hevdîtinan pêk bîne. Heyet li paytexta Çînê li Pekîn, li bajarên Chengdu û Urumçî dê hevdîtinan pêk bîne.

Di çarçoveya gerê de wê bi awayekî fermî ligel rayedarên payebilind ên Wezareta Karên Derve ya Çînê û rayedarên Partiya Komunîst a Çînê hevdîtinan bêne kirin; li ser têkiliyên HDP û PKÇ'ê, pirsgirêkên herêmî, pêşketinên li Rojhilata Navîn biaxivin û her wiha li ser tecrubeyên karên şaredariyên herêmî jî dê parvekirin çêbibin.