Diyarname
"Rojbaş" fîlmê derhêner Ozkan Kuçuk e. Fîlm dê biketa vîzyonê lê ketina wê ya vîzyonê hatibû qedexekirin. Li ser vê yekê sazkarên fîlm serî li dadgehe dabûn û pêzanan niha ji bo ketina vîzyonê fîlm erê kir. Niha doz wê 16'ê meha pêşiya me li Enqereyê li 3'emîn Dadgeha Îdarî li dar bikeve.

Derhêner Ozkan Kuçuk bi ser hesabê xwe re got, "Rapora pêzanan gihîşt ber destê me. Ji bo dawîlêanîna qedexeyê ev dozeke girîng e."

Di salên 90'î de komek hunermendên Navenda Çanda Mezopotamyayê bi navê "Rojbaş" lîstikeke şanoyê derxistin ser dikê. Piştî demê ew lîstikvan her yek bi aliyek ve pekiyan. Derhêner Kuçuk di fîlmê xwe "Rojbaş" de ew lîstikvanên wê demê piştî 30 salan dîsa anîne ba hev; ew birine wê demê û pêre jî meseleya têkiliya wan a niha, rewşa wan nîşan daye.

Meha pêşiya me ger dadgeh qedexeyê betal bike wê fîlm bikaribe derkeve vîzyonê. "Rojbaş" herî dawî di 3'yemîn Festîvala Fîlman a Navneteweyî ya Amedê de hatibû nîşandayîn.