Diyarname
Serokwezîrê Îsraîlê Benyamin Netanyahu bi awayekî fermî welatê Somalilandê nas kir. Serokwezîrê Somalilandê Abdirahman Mohamed Abdillahi ev biryara Îsraîlê wekî gaveke "Dîrokî" bi nav kir û got ku niyeta wan heye beşdarî Peymana İbrahim bibin.

Somalilandê di sala 1991'ê de biryar da ku ji Somalî veqete. Ev veqetin yekalî bû û heta niha tu welatên dinyayê ew wekî welatekî serbixwe nas nekir. Niha Îsraîlê ew nas kir. Netanyahu got, "Ew Somalilandê wekî welatekî serbixwe û desthilatdar nas dikin."

Ev yek kêfa Samolilandê anî ku Serokwezîrê war Abdillahi ev yek wekî "biryareke dîrokî" bi nav kir.

Li aliyê din Netanyahu ev daxwaza beşdariya Peymana Îbrahîmî ya Somalilandê dê ragihîne  DYA'yê (Dewletên Yekbûyî yên Amerîkayê).

Di sala 2020'î de Îsraîl, Yekîtiya Mîrektiya Ereban, Bayreyn, Fas û Sûdanê di bin pêşengiya DYA'yê de Peymana Îbrahîmî îmze kiribûn. Armanca vê ev bû ku bi vê peymanê li heremê normalîzebûn çêbibe. Welatên ev peyman îmze kirine bi awayekî fermî Îsraîlê nas dikin. Meha borî Serokdewletê DYA'yê Trumpî ragihandibû ku welatê Kazakistanê jî bi awayekî fermî biryar daye ku beşdarî Peymana Îbrahîmî bibe.

Ji aliyê Somalî ve jî mesele ew e ku Somalî hê jî dijî Somalilandê derdikeve û dibêje, "ew parçeyeke welat e."

Somaliland û Etiyopyayê roja 1'ê rêbendana 2024’an peymaneke îmze kiribû, ev yek li herêmê bûbû sedema xirecirê. Etiyopya xwe amade kiriye ku welat bi awayekî fermî nas bike. Etiyopyayê dixwest bi vê peymanê bi ser Somalilandê re xwe bigihîne behrê.