Diyarname
4'emîn Sempozyuma Melayê Cizîrî li Cizîrê dest pê kir. Serokê PDK'ê Mesûd Barzanî jî ji Başûr ji bo beşdariya sempozyûmê hat cizîrê. Mebûsên DEM Partî pêşwazî li wî kirin.

Berdevka DEM Partî Ayşegul Dogan, mebûsên DEM Partî yên Şirnexê Newroz Uysal Aslan, Mehmet Zeki İrmez û gelek kesên din pêşwazî li Barzanî kirin.

Barzanî li sempozyûmê axivî û diyar kir ku Melayê Cizîrî ji bo me her xwedî roleke girîng bû û got, "Me jiyana wî xwend û lêkolîn kir. Wî emrê xwe yê 70 salan da zanistê. Ew di asteke bilind de bû."
Li aliyê din Barzanî li ser Pêvajoya Aştî û Civaka Demokratîk jî got ku ew dilgeş û got, "Em sipasiya Erdogan û gelê Tirkiyeyê dikin. Deriyên aştiyê vekirin. Sipasiya Ocalan jî dikim, gavên girîng avêtin. Em piştgiriya vê pêvajoyê dikin."
Li gor bernameyê Barzanî wê îro here serdana Medreseya Sor û tirbeya Mem û Zînê.

Sempozyuma ku ji aliyê Zanîngeha Şirnexê ve tê organîzekirin bi ser sedî de akademîsyenên ji 23 zanîngehên Tirkiyeyê beşdar dibin. Her wiha ji qadên navneteweyî, ji Herêma Kurdistana Federe, ji Îran, Suriye û Almanyayê jî beşdar hene. Diruşma îsal a sempozyûmê "Di Nezera Melayê Cizîrî de Exlaq” e. Sempozyûm heta êvarê dê bidome.

EMNIYETÊ ÊRÎŞÊ HEVŞAREDARAN KIR
Berpirsê Emniyeta Şirnexê nehişt Hevşaredarên Cizîrê Guler Tunç Yerbasan û Abdurahim Durmuş herin otela sempozyûm lê û ew tehdîd kirin. Midûr dûre hevşaredar û gelê hatibû wir bi zorê ji otelê dûrxistin.