WASHINGTON
Kovara li cîhanê navdar Time piştî referandûma li Sûdanê pêk hat, lîsteyek ya ‘top 10’ ya der barê ‘neteweyên nêzî serxwebûnê’ ne amade kir. Li gorî lîsteyê Kurdistan di rêza 5'an de cih digire. Di kovarê de tê gotin ku Tirkiyeyê neta salên 90’î kurdan wekî ‘Tirkên Çiyayî’ dida nasîn.

Piştî serxwebûna Kosova û referandûma serxwebûnê ya Sûdana Başûr, êdî neteweyên din ên cîhanê ji bo serxwebûnê ketinê rêzê. Di van neteweyên bê dewlet de ku kurd di warê şêniyê de yekem in, lê li gorî "Top lîsta"yê ‘neteweyên nêzî serxwebûnê’ ya ji aliyê kovara navdar Time ve hatî amadekirin di rêza 5'emîn de ne.

Li gor Top Lîsta ‘Neteweyên Nêzî Serxwebûnê’ Skoçya di rêza yekem de û Kurdistan di rêza 5'emîn de ye.
Di kovarê de rêza lîsteyê wisa hatiye çêkirin:

1- Skoçya
2- Bask
3- Tîbet
4- Osetyaya Başûr
5- Kurdistan
6- Quebec
7- Sehraya Rojava
8- Komara Cascadia
9- Padania
10- Komara Duyem a Vermont

Kovara Time ku ya li Amerîka weşanê dike û li her aliyê cîhanê navdar e. Kovarê der barê ev 10'ên ku ketine lîsteya wê nûçe amade kiriye. Kovarê der barê Kurdistanê de jî nûçe amade kiriye û ev nûçe ji aliyê Ishaan Tharoor ve hatiye nivîsandin.

Di vê nûçeya li ser Kurdistanê de wisa tê gotin:
“Welatê wan di navbera sîronên Îran, Sûriye, Tirkiye û Iraqê de ye. Îro, li gorî neteweyên din şêniya wan zêde ye û nêzî 30 mîlyonan e.”

Kovar li ser kurdên Tirkiyeyê jî dibêje heta salên 90’î kurd ji aliyê Tirkiyeyê ve wekî “Tirkên Çiyayî” hatine nasîn.

Her wiha balê dikişîne li ser rabûna Partiya Karkerên Kurdistan PKK’ê û diyar dike PKK di salên 70'ê de dest bi xebatê kiriye û di encama şerê di navbera gêrîlayên kurd û Tirkiyeyê de herî kêm 30 hezar kes jiyana xwe ji dest dane.
Kovar balê dikişîne ku di van salên dawî pevçûn kêm bûye, lê hîn pevçûn berdewam dike.

Time balê dikişîne li ser başûrê Kurdistanê jî diyar dike ku cîraniya kurdan a bi Iraqê re ji welatên din baştir e. Her wiha tê diyar kirin ku ji Şerê Kendavê û vir ve burdên bakûrê Iraqê xwedî statuyekê ne û ev yek bi ketina Iraqê ya ji aliyê DYE’yê ve baştir bûye.