Diyarname
Şaredarê Bajarê Mezin ê Stenbolê û berendamê Serokomariya Tirkiyeyê yê CHP'ê Ekrem Îmamoglu li girtîgehê bersiva pirsên rojnameger Fatih Altayli ku ew jî li heman girtîgehê ye daye.

Li ser pirsa, "Li nav civakê li ser vê pêvajoyê xesasiyet hene. Fikra te ya li ser vê pêvajoyê çi ye? Ev pêvajo divê çawa bimeşe?" Îmamoglu wisa gotiye, "Pêvajoya ku li Tirkiyeyê ji bo rawestandina çekan û dawîlêanîna şerê terorê dest pê kiriye, ji bo welat û neteweya me girîng e. Ez serokê wê şaredariyê me ku li cîhanê herî zêde kurd li vir dijîn. Ligel birayên xwe yên kurd, ligel kek û xwiş, dayikên xwe yên kurd ev 6 sal in em Stenbolê bi rê ve dibin. Li bazaran, li sûkan, li merasiman, li şantiyeyan, li kreşan, li her derê em bi hev re bajar bi rê ve dibin. Ji dîrokê endîşe û xem hene. Carinan birînên ku hîs dikim ku hê nekewîne hene. Ez van dibînim û dijîm. Me dît û jiya ku zimanê wan ê xweş û xezîneya çandî ya ku ev ziman - kurdî - çêdike, mixabin hatiye înkarkirin û kêm dîtin. Niha divê em dest bi demeke nû bikin. Ev yek dê me zêdetir nêzî hev bike. Rojekê di serdana bazareke li Stenbolê de, dayikek bi çavên xwe yên xweş û tije hesîs hestên xwe yên tije evînê bi kurdî ji min re got, min bê ku fêm bikim, bi çavên nêmgirtî guhdarî kir. Çima bi tirkî nizane? Dayika me çima tirkî hîn nebûye? Çima me ev îmkan nedaye dayika me? Lê paşê ez fikirîm û min ji xwe pirsî: 'Tu çima nefikirî ku kurdî hîn bibî û bi vê dayika ligel wê li heman welatê dijî bi zimanê wê çend peyv pêre xeber nadî?' Ligel cîranên me yên em heman welatî ligel hev dijîn, hindik be jî zimanê ev hemwelatiyên me bizanibim, ji bo vê ez hewl didim kurdî hîn bibim."