Diyarname
11'emîn Bîenala Stenbolê bi sernava "Çi, çawa û ji bo kî?" bi sernaveke baş deriyên xwe ji bo hunerhezan vekir. Bîenal heta 8'ê meha sermawezê dê li dar be.

Di bin kuratoriya "WHW / What, How & for Whom" (Çi, çawa û ji bo kî) de 11'emîn Bîenala Stenbolê duh dest pê kir. Endamên WHW'ê Ivet Curlin, Ana Devic, Natasa Illic û Sabina Sabolovic ji sala 2003'yan ve li Zagrebê bi piştgiriya şaredariyê bêyî armanca wan karkirina pereyan be Gelariya Nova bi rê ve dibin û li wir karên hunerê dikin. Ew niha vê WHW'ê li Stenbolê di bîenalê de bi rê ve dibin û li dar dixin.
WHW di sala 2000'î yanê 150'emîn salvegera Manîfestoya Komunîst de wekî projeyeke hatibû destpêkirin u dûre bûbû navê kolektîfekê. Projeyên WHW'ê bi rêya huner, teorî û çapemeniyê li ser pirsgirêkên civakî platformeke nîqaşê ye û bi organîzayonên çandî yên cur bi cur dike ku di nava civakê de modela dan û standinê xurt bike.

Ev navê bîenalê ji berhema "Operaya Sê Qiruş" a ku di sala 1928'an de Bertolh Brecht tevî Elisabeth Hauptmann û Kurt Weill re nivîsandibû hatiye girtin. Di wê berhemê, di perdeya dawî de ji strana "Mirov bi çi dijî?" hatiye girtin.

Hunermendê navdar ên wekî KP Brehmer, Nam June Paik, Sanja Ivekovic, Hans-Peter Feldmann, Danica Dakic û Rabih Mroué ku li dinyayê navdar in bi berhemên xwe beşdarî bîenalê dibin. Ji Tirkiyeyê jî kesên wekî Nevin Aladag, Yuksel Arslan, Cengiz Çekil, Işil Egrikavuk, İnci Furni, Nilbar Gureş, Aydan Murtezaoğlu & Bulent Şangar, Erkan Ozgen û Canan Şenol bi berhemên xwe li bîenalê ne.

11'emîn Bîenala Navneteweyî ya Stenbolê li sê cihên navendî li dor 120 projeyî pêşkêş dike. Li Findikli Antrepoya bi Nimreya 3'yan a kuaîdê Şîrketa Behrvaniya Stenbolê ye, li Ferîkoya Şîşlî Dibistana Rum a Ferîkoy, û li Depoya Titûnê ya li Tophaneyê berhem têne pêşkêş kirin.