Diyarname

Di maça fînalê ya Tûrnûvaya Euro 2025 ya Jinan de tîma jinan a Îngilistanê û ya Spanyayê hatin hemberî hav. Îngilîz bi penaltiyan bi ser ketin û kûpa girtin. Bi vê yekê bû du car ser hev de vê kûpayê dibin mala xwe.

maç li Stada St. Jakob-Park a li Basela Swîsreyê li dar ket. Hakema fransiz Stephanie Frappart maç bi vê ve bir.

Di deqîqeya 25'an de Spanya bi gola Mariona Caldentey 1-0 derket pêş û nîveka yekem wisa bi dawî bû. Di deqîqeya 57'an de îngilîzan bi Alessia Russo bersiv da û 90 deqe bi vî awayî bi dawî bû.

Di 30 eeqeyên zêdek de jî encam neguherî. Heta vê kêliyê her du tîm bi baldarî, bo xetayan nekin tevgeriyan. Di vir de performansa qeleparêzan diyarker bû.

Ji bo diyarbaû şampiyonê Şampiyoniya Fûtbolê ya Jinan a Ewropayê dem dema penaltiyan bû.

Îngilîz di tûrnûvaya berî vê de jî bûbûn şampiyon, dixwestin cara diduyan ser hev de vê kûpayê bigirin, her ku spanyol bûn cara yekê derketibûn fînalê û dixwestin rûpeleke nû li dîroka xwe bikin.

Di penaltiya pêşî de îngilîzan nekarî golê biavêjin, spanyolan avêt. Berevajî vê îngilîzan penaltiyên duyem û sêyem avêtin lê spanyolan nekarîn herduyan jî biavêjin.

Di penaltiyên çaran de her du tîman jî nekarîn encamê biguherînin. Îngilîzan penaltiya pêncan avêt û bi 3-1'ê kûpa bir mala xwe.