Diyarname

Li Tirkiyeyê lîstikvan Şener Şen xwedî cihek taybet e. Ji her beşên civakê li hemberî wî hezkirineke taybet heye. Ev Şener Şen niha piştî 14 salan carek din derket ser dikê şanoyê û di lîstika "Zengin Mutfagi" (Metbexa Dewlemend) de lîst. Niha çaqa dest bi firotina bilêtên lîstika "Zengin Mutfagi" kirin di nav 2 saetan de 3700 bilêtên wê yên meşa reşemiyê hatin firotin.

"Zengin Mutfagi" li Dasdas a ku li Ataşehîra Stenbolê ye tê lîstin. Lîstika ku Vasif Ongoren nivîsiye, Şener Şen û Dogu Yaşar Akal derhêneriya wê kiriye. Di listikê de Şener Şen, Gizem Ergun, Onay Kaya, Kutay Sandikçi, Ugur Arda Başkan dilîzin.

Di lîstikê de tevgera karkeran a 15-16'ê pûşpera 1970'ê heye ku bandora vê bûyerê li ser metbexa malbateke dewlemend çawa çûbûye tê nîşandayîn. Bi ser vê re ew bûyer careke din derdikeve ser dikê. Bûyer pêş çavên xebatkarên metbexa koşkê diqewimin û ew li hemberî bûyeran bêdeng namînin. Di guherîna civakê de her yek parek ji vê digire.

Vasif Ongoren ku bûyer bi henek, laqirdî û rexneyan derxistiye ser dikê, heta niha gelek caran ji aliyê gelek şanoyan ve hatiye lîstin. Her wiha ji vê metnê fîlm jî hatibû kişandin. Di fîlmê ku sala 1988'an de ji aliyê derhêner Başar Sabuncu ve hatibû kişandin de Şener Şen dîsa serlîstikvaniya wê kiribû.
Lîstik yekem car di sala 1978'an de hatibû lîstin. Niha carek din derdikeve ser dikê. Niha 18'ê mehê dê bê lîstin lê ji niha de bilêtên lîstikê yên vê mehê û meha pêşiya me hemû hatin firotin jî.