Diyarname
Papa Francis di 88 saliya xwe de mir. Niha wê çawa be, wê kî û çawa bibe Papa? Va ne notên ji îro:
- Vatîkanê bi ser hesabê X'ê re agahiya mirina Papa ragihand. Hat gotin ku serê sibê saet 7.35'an de miriye.
- Papa Francis 'yê adara 2013'yan hat ser kar. Kardînal Papa'yî hildibijêrin. Wê çaxê bi dengê 115'an kardînalan ew ji bo papatî hat hilbijartin. Ev pêvajoya hilbijartinê du rojan dom kiribû, ku ev demek gelek kurt bû. Yanê li hevkirin hebû.
- Papa demek berê ji ber zatûreyê demek dirêj li nexweşxaneyê hatibû dermankirin.
- Piştî mirina Papa di navbera rojên 4-6'an de ew tê definkirin.
- Neh roj şîn tê danîn.
- Piştî mirina Papa bi 15 rojan Konklava Papatiyê dest pê dike. Ev yek Meclisa Kardînalan e ku ew Papayê nû hildibijêrin.
- Kardînal bi awayekî veşarî li hev dicivin. 'Konklav' bi latînî tê maneya "klît". Bi vê balê dikişinin ser veşarîbûnê û îzolekirinê.
- Ji bo ji derve kes bandorê li wan neke hemû kardînalên temen bin 80'ê û yên nehatibin afarozkirin di Sistine Şapelê de kilît bi ser wan de digirin. Roja yekê bi ayînê pîrozbahî dikin û Dûre ji bo hilbijartinê derbasî şapelê dibin.
- Heta berendamekî ji sisêyan diduyê dengan bigire hilbijartin didome.
- Piştî her dengdanê ku hilbijartin çênebe, ew pisûlayên ku hatine bikaranîn tên şewitandin û careke din bi pisûlayên nû dengdan li dar dikeve.
- Piştî dengdanê ger dûmanê REŞ ji lojinê bilind bibe encam bi ser neketiye, ger dûmanê SPÎ bilind bibe diyar dibe ku serketin çêbûye û Papayekî nû hatiye hilbijartin.
- Rojnameya Daily Mail gotiğe ku pîskoposê berê yê Cape Coastê Peter Turkson ê 76 salî belkî bê hilbijartin. Turkson ku ji Gana ye ger bê hilbijartin wê bibe Papayê yekem ê reşik ku tê hilbijartin. Papa Francis ew wekî qasidê aştiyê şandibû Başûrê Sûdanê. Turkson ji sala 2022'yan ve wekî endamê Akademiya Zanistên Papayî kar dike.
- Yek ji navên li ser disekinin jî Robert Sarah e ku li Gîneya Fransiz hatiye dinê û 79 salî ye. Lê dibêjin dibe temenê wî bi pirsgirêk be.
- Navek din ê ku heye jî Luis Antonio Tagle e. EW serpîskoposê berê yê paytexta Fîlîpînê Manîla bû û ew 67 salî ye.
- Sekreterê Giştî yê Dewleta Kardînalê Pietro Parolin jî heye ku 70 salî ye. 
- Ji bilî van hin berendamên din jî hene; Wekî Peter Erdo (72 salî), Jose Tolentino, Matteo Zuppi, Mario Grech.