Diyarname

7'emîn Rojên Belgefîlman a Mafên Mirovan 8'ê mehê bi nîşandayîna belgefîlman li dardikeve.

TÎHV (Weqfa Mafên Mirovan a Tirkiyeyê) a Îzmîrê li vî bajarî ligel Navenda Çanda Fransiz û Civaka Xebatên Ragihandinê ya Fakulteya Ragihandinê ya Zanîngeha Egeyê  bi hev re "Rojên Belgefîlman a Mafên Mirovan" li dar dixin. Îsal ev çalakî dê di navbera 8-11'ê vê mehê de li dar bikev û di vê çarçoveyê de belgefîlmên li ser mafên mirovan bêne nîşandayîn.

Îsal 7'emîn car e ev xebat tê lidarxistin û armanc ew e ku bi vê xebatê bala mirovan bikişînin ser mafên mirovan û hestiyarî saz bikin.

Di nav belgefîlmên îsal dê bêne nîşandayîn de ji şerê li Sûriyê bigire heta faîcaya Soma, ji maf û edaletê bigire heta azadiya jinan, ji komkujiya li Enqereyê ya 10'ê kewçêrê bigire heta ser komkujiya ermenan, Amed Sporê gelek belgefîlm hene.

Belgefîlman ser Amed Sporê

Yek ji belgefîlmên li nav bernameyê belgefîlmê Onur Oncu yê binavê "Trîbunlerin Sesî" (Dengê Trîbunan) e. Temaşevanên Amed Sporê ji bo zarok nemirin aştî bê deng derxistin lê tîm ji ber vê rastî cezayan hat. Belgefîlm rewşa trîbunan, daxwaza wan û piştgiriya ku dikin tîne ziman.

Belgefîlm li Navenda Çanda Fransiz a Îzmîrê (Navnîşan: Cumhuriyet Bulvari No 152 Alsancak/Îzmîr) têne nîşandayîn.