Diyarname
17’emîn Festîvala Cazê ya Navneteweyî ya Stenbolê îsal di navbera 1-20’ê tîrmehê de li dar dikeve. Di nav bernameyê de gelek konserên balkêş hene.

Ji bo eşkerekirina bernameya 17’emîn Festîvala Cazê ya Navneteweyî ya Stenbolê li Salona ÎKSV’ê civîneke çapemeniyê hate li dar xistin. Di civînê de Serokê ÎKSV’ê Bulent Eczacibaşi li ser festîvalê axivî û got: “Di salên 80’yî de di bin banê festîvala muzîkê de konserên cazê dihatin li dar xistin. Di nav demê de hem ji ber eleqeyê hem jî ji ber pêşketina dînamîka muzîkê bû wekî şahiyeke ku êdî nedikarî di şiklê xwe de bisekine. Bi vî awayî ji sala 1994’an bû festîvaleke ser bixwe. Îsal dîsa di nav bernameyê dre muzîkarên girîng hene. Yek ji van hunermendan ku muzîkarhez ji nêz ve jê hez dikin, vokalîstê cazê yê navdar Tony Bennet e. Konsera Bennet ji bo bîranîna Şakir Eczacibaşi em li dar drixin.”

Bernameya festîvalê ji aliyê Dîrektora Festîvalê Pelin Opcin ve hate eşkerekirin. Festîval 1’ê tîrmehê wê deriyên xwe ji bo muzîkhezan veke. Di festîvalê de ji ser 50’î re konser hene û li dor 300 hunermendên ji Tirkiye û yên biyanî dibin mêvanên festîvalê. Sehneya Servekirî ya Cemil Topuzlu ya Harbiyeyê, Muzeya Arkeolojî, Muzeya Aya Îrînî, İstanbul Modern, İstinyePark, Salon, Qesra Sepetçiyan û The Marmara Esma Sultan ji bo konseran wê mazûvanî bikin.

Yek ji çalakiyên nû yên di nav festîvalê de “Şahiya Tunelê” ye ku hefteya yekem a festîvalê wê dawiya hefteyê li Tunela Beyogluyê li dar bikeve. Şahiya Tunelê 3’yê tîrmehê li Meydana Tunel û Galatayê li ser dikên taybet ku wê bêne çêkirin de li da bikeve. Şahiya navê “festîval di nav festîvalê de” tê li dar xistin heta nîvê şevê wê bidomke.
Her wiha Keştiya Cazê ku bûye çalakiyeke kevneşopî û Konserên Kuçeyan dengê cazê wê li asîmanên Stenbolê bilind bikin.

Wekî her sal îsal jî xelata Serketina di Hemû Jiyanê de didin. Îsal yek ji nivîskarên cazê û sazkaran bernameya radyoyê ya li ser cazê Hulya Tunçağ wê xelata Serketina di Hemû Jiyanê de bigire. Tunçag yekem car di sala 1969’an de bernameya cazê çêkir, ji sala 1972’yan ve di TRT Radyo de bernameya “Di roja me de caz” amade dike ku ev bername hê jî didome. Tuncag ku digel bernameya muzîkê bi hevpeyvînên ku çêkiriye jî tê nasîn, digel Arto Tuncboyaciyan û Aydin Esen albumeke amade kiribû ku ev album gelek hatibû ecibandin. Hulya Tuncboyaciyan ji sala 2005’an ve şêwirmendiya festîvala cazê dike.

Festîvala cazê wekî her sal îsal jî berî ku li dar bikeve CD’ya Festîvala Cazê ya Stenbolê derdixe piyaseyê û pêşkêşî cazhezan dike. Album wê nava meha pûşperê de li piyaseyê be.

Di nav bernameyê de beşa “Caza Ciwan” de cazkarênh ciwan wê bi hunera xwe derkevin ser dikê. Ev cazkar wê li Şahiya Tunelê jî amade bin û konsera wan bê pere ye. Ji bo kesên beşdarî vê beşê bibin di 23’yê gulanê de dikevin pêşbaziyê. Juriya ku Cengiz Baysal, Hulya Tunçag, Kerem Gorsev, Onder Focan, Pelin Opcin, Seda Binbaşgil û Sevin Okyay pêk tê wê cazkarên ciwan ji bo konsera di festîvalê de hilbijêrin.

Bilêtên konseran di navbera 20 TL û 200 TL’yî de têne firotin. Festîval 1’ê tîrmehê wê li Qesra Esma Sultan li dar bikeve û ji bo vê şevê hindik bilêt têne firotin.

Piştî eşkerekirina bernameyê ji bo endamên çapemeniyê şahiyeke li  X Restaurant & Bar a li qata jorîn ya ÎKSV’ê hate li dar xistin.

Bilêtên festîvalê 15’ê vê mehê li Biletiks û li avahiya İKSV’ê wê dest bi firotina wan bêkirin.

Ji bo kesên eleqedar:  www.iksv.org/caz