DiyarName.Com

Zarokan Roja Ziman pîroz kir

Dîrok: 21/02/2025

Diyarname
Di Roja Zimanê Zikmakî ya Cîhanê de zarokan bi çalakiyan roja ziman pîroz kir.

LI KREŞÊ ROJA ZIMAN
Zarokên li Kreş û Mala Nihêrtinê ya Perperike a girêdayî Gerînendetiya Çand û Karên Civakî ya Şaredariya Peyasê perwerdeya pirzimanî dibînin, bi mûnasebeta 21ê Sibatê Roja Zimanê Dayikê ya Cîhanê pîroz kirin.
Zarokên li Kreş û Mala Nihêrtinê ya Perperike perwerdeya pirzimanî dibînin, bi beşdariya malbatên zarokan û mamosteyê zarokan, Roja Zimanê Zikmakî bi lîstik û stranan pîroz kirin. Hevşaredarê Peyasê Cengîz Dundar ku beşdarî çalakiyê bû, axivî û di warê ziman de bal kişand ser girîngiya rênîşandan û pêşveçûna zarokan.

ZAROK ÇÛN SERDANA DENGBÊJAN
Li aliyê din zarokên di bin van saziyên Şaredariya Peyasê de çûn Mala Dengbêjan
Di serdanê de derfeta zarokan çêbû ku li ser girîngiya hunera kevneşopî fêr bibin û li dengbêjan guhdarî bikin.
Di ger û serdana Mala Dengbêjan de gava ku Zarokên li Kreş û Mala Nihêrtinê ya Perperîke dixwînin, bi malbat, mamoste û dengbêjan re li ber dîwarê wêneyê dengbejên navdar û ku li hewşa Mala Dengbêjan daleqandî bûn, wêneyekî bîranînê kişandin.
Gerînendehiya Çand û Karûbarên Civakî di daxuyaniya xwe ya piştî çalakiyê de tekez kir ku ji bo zarok dîroka xwe û çanda xwe hîn bibin û bi zimanê xwe yê zikmakî mezin bibin xebatên wiha cuda giring e û pêwîste bêne kirin.
Şaredarî ragihandn ku dê çalakiyên bi vî rengî bidomin da ku têkiliya zarokan bi çanda xwe re xurt bike û hişmendiya zarokan a li ser kevneşopiya çandî zêde bibe.

Dengbêjan vê carê klamên xwe ji bo zarokan vegotin...