Diyarname
Li DYA'yê (Dewletên Yekbûyî yên Amerîkayê) berendamê serokdewletî di bernameya televîzyonê de derdikevin pêşberî hev. Li gor saeta Amedê duh bi şev berendama Demokratan Kamala Harris û berendamê Komarparêzan Donald Trump beşdarî bernameya ABC Newsê bûn. Bername 920 deqe dom kir.
Harris bi navê xwe xwe da nasîn û got, "Em nîqaşek baş bikin." Trump jî bi gotina "Ez kêfxweş bûm min tu dîtî. Şahiyeke xweş" bersiv da.
Du pêşkêşvan hebûn, di heman demê de wan gotinên berendaman teyît jî dikirin. Trump got "li eyaletên di destê Demokratan de di meha nehan de kurtaj tê kirin, zarokên tên dinê piştî tînin, dikujin." Moderotara ABC Linsey Davis got, 'Li DYA'yê eyaleteke wisa bike nîn e."
ŞERÊ ÛKRAYNA-RUSYA
Trumpî got, "Li herêmeke Amerîkayê penaber sewalên kedî yên herêmê didizin û wan dixwin" moderator gotina "rêveberên herêmî gotine di vî warî de delîl tune ne" bibîra Trump xist.
Trumpî di nîqaşa ÛKrayna de got, ew Zelensky jî Putînî jî nas dike, ewê bi muzakereyê şer bi dawî bike. Harrisê bi gotina, "Putin dê te bike navroj" bersiv da û got, "Ger Donald Trump niha serokba Putin niha dê li Kîevê rûnişta."
ÎSRAÎL - FILÎSTÎN
Trumpî Harris weki neyarê Îsraîl û Ereban nîşan da, got Harris bibe serok Îsraîl du salan de dê têk here. Harrisê bersiva ew xweparastina Îsraîlê diparêze, qîmet dide şerawestinê û wekî çareserî jî çareseriya du dewletî diparêze.
Trumpî di êrîşê de xwe de piranî Harris wekî "Çepgirek radîkal", carek jî wekî "Marksîst" bi nav kir.
Li ser polîtîkaya  aborî, penaber û polîtîkaya derve nîqaşek gur kirin.
ÇAPEMENÎ NIRXANDINEKE ÇAWA KIR?
Di dawiya bernameyên wisa de çapemeniya DYA'yê her berendaman dinirxîne û kîjan bi ser ketiye li gora xwe eşkere dike. Di dawiya vê bernameyê de ev derketin pêş:
Fox Newsê ku di hilbijartina 2020'î de piştgirê Trump bû û gelek caran serketina wî eşkere kir bi xwe jî qebûl kir ku Harris îşev bi ser ketiye.
- Siyasîanalîstê Fox Newsê Birt Hune: Cîgira Serokdewlet Harris xwe baş amade kiribû. Bersiv di destên Wê de hebûn û dizanî dê çawa bike. Li aliyê din Harris di hemû nîqaşe de Trump kişand kêmînan û ew ji rê derxist."
- Şirovekarê Fox Newsê Harold  Ford wisa got, "Îşev Harris bi ser ket."
- The News York Times: Di nîqaşa gur de Harris Trumpî ber defansê ve dehf dide. Haris li ser mehkûmbûn, koronavîs, qelebalixên li mîtîngan û li ser gelek tiştên din zor dide Trumpî, Trumpî gelek bersivên şaş dan rexneyên li hemberî xwe.
- The Washington Post: Harris Trumpî di defansê de kilît dike.
- The Wall Street Journal: Harris di nîqaşê de Trumpî dikişîne kêmînê. Harris qeşmeriyê bi reqîbê xwe dike.
- The Times a îngilîz: Di dawiyê de yek bi aliyê rast û çepê ve diheje (Trumpî îşaret dike)
- The Guardian: Wisa dixuye ku di nîqaşê de Cîgera Serokdewlet Harris bi ser ketiye.
CÎGIR DÊ BÊN HEMBERÎ HEV
Li aliyê din bîst rojek poşê, roja 2'yê kewçêrê vê carê cîgirên wan Tim Walz û JD Vance di televîzyonê de dê bên hemberî hev.