Diyarname
Fîlmê derhenêr Ozcan Alper "Sonbahar" ku li ser 'Operasyona Vegera li Jiyanê" ye Kozaya Zêrîn girt.

15'emîn Festîvala Fîlman a Kozaya Zêrîn ku ji aliyê Şaredariya Edeneyê ve hate organîzekirin bi dayîna xelatan bi dawî bû. Di şevê de derhêner Ozcan Alper bi fîlmê xwe "Sonbahar (Payîz)" Xelata Fîlmê Herî Serketî girt. Di sala 1999'an de dewletê xwest girtiyên siyasî bibe girtîgehên Tîpa F. Li hemberî vê yekê girtiyan dest bi gireva birçîbûnê kirin. Di 19'ê berfanbara 1999'an de hêzên ewlehî yên dewletê li 20 girtîgehan êrîşê girtiyan kir, 2  leşker, 30 girtî bi giştî 32 kes di bûyerê de mirin û bi sedan kes birîndar bûn.
Fîlmê Alper li ser vê bûyerê hatiye kişandin. Alper piştî girtina xelatê xelata xwe diyarî girtiyên siyasî kir.

Xelatên ku hatin belavkirin:

- Fîlmê Herî Serketî:  ''Sonbahar'' (derhêner Ozcan Alper)
- Derhênerê Herî Serketî: İnan Temelkuran ('Made In Europe')
- Xelata Yilmaz Guney a Juriya Mezin:  ''Made in Europe''
- Xelata Lîstikvanê Herî Serketî: (Ji filmê Made in Europa): Teoman Kumbaracibaşi, Murat Oncul, Ali Çelik, Murat Makçi, Murat Kiliç, Ruhi Sari, Mustafa Kirantepe, Hasan Şahinturk, Bariş Yildiz, Emin Gursoy, İnan Temelkuran, Guven İnce, Kadir Çermik, Ali Riza Kubilay, Oner Erkan, A. Mumtaz Taylan, İnan Ulaş Torun û Aykut Kayacik girt.
- Xelata Lîstikvana Herî Serketî: Selen Uçar (Bi rola di fîlmê "Ara" de) û  Ayça Damgaci (Bi rola di fîlmê "Gîtmek" de)
- Xelata Gel a Juriyê: Ulak (derhêner Çagan Irmak)
- Xelata Taybet a Juriyê: Ozcan Alper, Feza Çaldiran, Canan Çayir (Sonbahar)
- Xelata Lîstikvana Herî Serketî ya Duyemîn: Megi Kobaladze (Sonbahar)
- Xelata Lîstikvanê Herî Serketî ê Duyemîn: Serkan Ercan (Golge)
- Xelata Lîstikvana ku hêviyê dide: Şenay Aydin (Sakli Yuzler)
- Xelata Lîstikvanê ku hêvî dide: Kaya Akaya (Ulak)
- Senaryoya Herî Serketî: Umit Unal (Ara)
- Derhênerê Dîtbarî yê Herî Serketî: Ercan Yilmaz (Nokta)
- Derhênera Herî Serketî ya Hunerê: Selda Çiçek (Golge)
- Muzîka Herî Serketî: Mazlum Çimen (Nokta)
- Vesazkirina Herî Serketî: Çiçek Kahraman (Ara)
-Studyoya Herî Serketî: 2/35 (Nokta) û Zound (Melek)