Diyarname

Yekemîn rojnameya kurdan "Kurdistan" roja 22'yê avrêla 1898'an ji aliyê Mîqdad Mîthed Bedirxan ve hat derxistin. Niha ew 125 salî ye.

Mîqdad Mîthed Bedirxan li Qahîreya Lubnanê dest bi derxistina rojnameya Kurdistan kir. 

Di hejmara yekemîn de Bedirxan bi van gotinan dest bi gotara xwe kiriye, "Sed hezar şukir û hemd ji xwedê tealî re em misilman xelq kirin. Û zanîna îlm û meirifetê re hiş û zika da me. Derheqa elimandina ilim û meirîfetêre gelek ayetên celîle û ehadîsê şerîfe henin, dinyayê de çiqas misilman hebin, gund û bajarên hemiya de mekteb û medrese û cerîde henin. Dinyayê de çi dibe, çi nabe cerîde dinivîsin. Heyfa min têt ji kurda re, kurd ji gelek qewma zêdetir xweyî hiş û zika ne, camêrin, dînên xwe de rast û qewîne, xortin û dîsa, weke qewmên dî nexwendane, ne dewlemend in. Dinyayê de çi dibe cîranê wan musquf çaveye, wî çi bike nizanin. Loma rêya xudê de min ew cerîde ya ha nivîsî bi izna xwedê teala paş niho her pazde roja de carekê ezê cerîdekê binivîsim."

Di vê çarçoveyê de gotar didome. Ji wê rojê de heta niha kurdan bi dehan rojname, kovar derxistin. Her ku teknolojî pêş ket paşê radyo vekirin, televîzyon vekirin û di vê sedsalê de jî gelek malperên bi kurdî vekirin.

Di warê rojnamegerî de helbet gelek pêşketine, lê li pêşberî wan gelek zehmetî jî hene. Li Bakur niha bi dehan rojnamegerên kurd girtî ne. Yên li ser kar jî bi hezar zehmetiyan karê xwe dikin.

Ligel her tiştî karwanê rojnamegeriya kurdî rêya xwe didomîne. Di vê rojê de ku wekî Roja Rojnamegeriya Kurdî jî hatiye qebûlkirin malpera me Diyarname jî ketiye 18 saliya xwe. Ev 18 sal in em jî li ser vê rêyê kedê didin û emê bidin jî.

Di vê rojê de em danêrê rojnamegeriya kurdî Mîqdad Mîthed Bedirxan bi hurmet bibîr tînin û Roja Rojnamgeriya Kurdî li hemû rojnamegerên kurd pîroz dikin.

***

Temamê gotara Bedirxan:

- Hejmara Yekem a Rojnameya Kurdistan!