Diyarname
Hevgirtina Rewşenbîrên Rojavayê Kurdistanê (HRRK) li bajarê Bochuma Almanyayê îro konfrenasa xwe li dar xist û li ser pirsgirêkên xwe nîqaş kir.
Di konferansê de gelek nivîskar, muzîkar, helbestvan û rewşenbîrên kurd ên ji Rojava amade bûn. Di axaftina destpêkirina konferansê de helbestvan Ehmed Huseynî qala avakirina HRRK'ê kir û got ku çenteyên xwe yên siyasî li derve bihêlin û werin em derd û kulên xwe ji hev re bibêjin. Huseynî wisa got, "Werin em hev du biperijînin, werin em li hev dû guhdarî bikin. Werin kêşeyên xwe ji hev re bêjin. Werin em xwe bi xwe bin. Werin em ji bo Rojava bîrdanekê biafirînin." Huseynî qala xebatên HRRK'ê ên 18 mehên bûrî jî kir û got ku di van 18 mehan de wan 124 semîner lidar xistine. Nivîskar Helîm Yûsiv jî di axaftina destpêkê de diyar kir ku meha tîrmehê de li Qamişlo kongreya HRRK'ê lidar ketiye, yek ji biryarên hatiye girtin jî çalakirina HRRK Ewropa bû û niha ew konferansa vê derê lidar dixin.
Piştî axaftinan dê biryarên bêne girtin wekî encamname bên belavkirin..