Diyarname
Li nav kurdan tekane kovara wergerê 'Tabularasa'ya nû derket.

"Tabularasa" yanê "Lewheya Vala" bi kurdî tekane kovara wergerê ye. Kovara du mehane Tabularasa di meha rêbendanê de hejmara xwe ya yekemîn derxistibû û niha wekî pûşper-tîrmeh hejmara xwe ya duyemîn pêşkêşî xwendevanan kir.

Kovara ku di warê de xwe de tekane ye edîtoriya wê A.Rahman Çelik dike.

Di vê hejmarê de edîtorê kovarê xwestiye xwendevan li ser kovarê dîtinên xwe bibêjin ku kovar rêya xwe bibîne. Edîtorî dibêje ew dixwazin her kes cihê xwe li nav Tabularasayê bigirin û ev yek lê zêde kiriye: "Em bangî wergêrên kurd ên dilsoz dikin da ji bo pêşeroja me dest bavêjin kar, û wergeran ji edebiyata cîhanê li kurdî zêde bikin, deriyê kovarê ji bo her kesî vekiriye."

Di kovara ku bi edaba A5, 56 rûpel hatiye çapkirin de Samî Hêzil "Porkurkirinek" a I.S.Nakata, Aydin Rengîn "Molly Morgan" a John Steinbeck, A.Rahman Çelik "Mekîna Deng" a Roald Dahl û Salih Badilî jî "Hevalbendekî Dewletê" ya Siegried Lenz wergerandiye kurdî û weşandiye. Her wiha kovarê kurtejiyana nivîskarên ku berhema wan hatiye wergerandine jî pêre weşandiye.

Kovar hem ji aliyê nivîsê hem ji aliyê kirîn û belavkirinê ve li benda alîkariya xwendevanan e.

Ji bo kesên eleqedar:
İstiklal Cad. Nane Sok. No: 5/8 Beyoglu / STENBOL
Tel: 0212 244 97 89
GSM: 0542 493 10 03
tblrswerger@yahoo.com
tblrswerger@hotmail.com

 **

Nûçeya eleqedar:

- Bi kurdî kovareke wergerê: TABULARASA derket

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.