Diyarname

Rêveberiya Xweser eşkera kir ku ji ber êrîşên Tirkiyeyê ên li ser embara tov a Kobanî, 150 ton tovî genim xira bûye.

Hevserokê Saziya Pirkirina Tovan a Kantona Firatê Mihemed Miskozade ji bo Navenda Ragihandinê ya Rêveberiya Xweseriya Demokratîk a Herêma Bakur û Rojhilatê Sûriyeyê di encama êrîşa Tirkiyeyê de qala zirarê ku gihîştiye wan kir.

Miskozade qala êrîşa balafirên bêmirov ên Tirkiyeyê ên roja 14'ê rêbendanê kir û ji bo zirara gihaye wan jî got, "Êrîşê embara tov a saziyê hatin kirin, jeneratorên kehrebeyê rawestiyan û zirar gihîşt makîneyên paqijkirin û veqetandina tov. Di encama êrîşê de zirar gihîşt 150 ton tovê genim ê embarkirî. Her wiha zirar gihîşt erebeyên veguhastinê û odeya madeyên veqetandinê û banê avahiyê. Zirara giştî 150 hezar dolar e."