Diyarname
Bi navê "Kurdica" (Kurdîka) pirtûkek derket. Pirtûk ji aliyê Şîlan Doskî ve hatiye amadekirin ku xebateke zanistî ye.
Pirtûk bi navê "Kurdica (Kurdîka), lîsteya navên zanistî yên dar, gul û giyayên Kurdistanê" ji Weşanxaneya J&J derket. Şîlan Doskî pirtûk amade kiriye ku ev beşa yekem a pirtûkê ye û ew li ser beşa duyemîn dixebite. Dostî li ser vê xalê wisa gotiye, "Hin nav min ji bo bergê duyem hêlayne ku bo nimûne navên zanistî yên hin dar, gul û giya ku li Robarê Ava Mezin ku li Bakurê Kurdistanê dest pê dike û li hin bajar û herêmên axa me re wekî Amed û Cizîra Botan dibûre heta dadikeve nav axa Başûrê Kurdistanê û bi şaxên xwe yên Zeyê Mezin û Zeyê Biçûk heta bi Zagros, li evan herêman û bi navê zanistî yê Mezopotamya ku ji 38 navan pêk tên û hin navên din min ji bo beşê duyem hiştine."
'DEMA NAVÊ KULÎLKEK BI NAVÊ KURDISTANÊ DIBÎNIM ŞAD DIBIM'
Doskî li ser kêfxweşiya xwe ya navên kulîlkan û amadekirina pirtûkê wisa gotiye, "Dema ez serdana flor an pêzanînên baxçeyên cîhanê dikim, ji nişke ve bi dîtina kulîlkeke kurdistanî ku bi destê wan hatiye tomarkirin pir şad dibim, li ser dixwînim û vekolînê dikim. Ji wan rûpelan, ji lêkolînên min ên berdewam, min gurzek gul û kulîlkên ku bi navê kurdîka hatine tomarkirin, di vê berhemê de ji bo we pêşkêş kirine."
'HIN NAV HATINE PEJIRANDIN HIN NA'
Doskî di pêşgotina xwe de gotiye, "Damezirandin û navlêkirina Riweknasiyê ji aliyê Carl von Linnê (Carl Linaeus, Carolus Linnaeus 1707-1778) zanistyar, siriştnas, ajelnas û giyanasê Swêdî ve hatiye kirin" û paşê mesele aniye ser vê pirtûkê: "Navên zanistî yên gul û giyayên Kurdistanê ku ji hêla giyanasên biyanî ve hatine tomarkirin, hin nav hatine pejirandin û hin jî na û gelek ji wan jî hevwateya hev in ku di her babetek de hatiye diyarkirin."
MÎNAKA PÊŞKÊŞKIRINÊ
Doskî, di pirtûkê de 547 kulîlkên kurdî dane hev. Li gor pirtûkê kîjan zanyarî ew kulîlk kişf kiribe ligel navê kurdî, navê xwe jî daye ber û ew yek bi yek di pirtûkê de ligel wêneyên wê yên biçûk bi cih kiriye. Mînak bi vî rengî ne, "Giyazirxê Kurdî (Post.), Scutellaria kurdica Post.
Navê zanistî yê Giyazirxê Kurdî (Scutellaria kurdica Post.) ji hêla bijîşk û giyanasê Emerîkî Post, George Edward ve hatiye tomarkirin. Ev nav sala 1892yan di Pl. Hostiannae de hatiye weşandin û hevwateya navên zanistî yê pejirandî Scutellaria salviifolia Benth e.
Danheva giyayê wê di sala 1891ê li Rojavayê Kurdistanê-Efrînê-çiyayê Kurmênc/Kurdax ji hêla Post, G.E. (Coll. Barbey-Boissier)."
- Kurdica (Kurdîka) / Şîlan Doskî / Weşanên J&J / Lêkolîn / 244 rûpel / 2023
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.
***
DIBE KU EV NÛÇE JÎ BALA TE BIKIŞÎNIN (Sernavê bitikîne):
- Perwîz Cîhanî: Karekî pir dijwar e ku mirov dubeytiyên Baba yên resen ji neresenan veqetîne
- Îbrahîm Şahîn: Me 50 hezar klam dane hev
- “Ev karê ku LEW dike dê ji bîra kurdî, ji zemên re bimîne”
- Îdîaya Mem Med: Çîroka kurmancî li gorî cureyên edebî yên din herî pêş e
- Samî Hêzil: Divê em cihê wergerê di çand û zimanê xwe de diyar bikin: serê jorê an ber dêrî?
- Receb Dildar: Berteka ji bo xweparastinê tevgere xwezayî ye
.jpg)
.jpg)
