Diyarname

Vê 10 fîlm ketine vîzyonê. Ji van 5 jê ji derveyî Tirkiyeyê hatiye û 5 jî yên tirk in. Ji nav van, ji fîlmên derveyî Tirkiyeyê "1976" û "Acide" derdikevin pêş. Ji yên tirk jî belgefîlmê bi navê "Duet" xwe nîşan dide.

"1976"

Li her derê dinyayê derbekaran zilm li mirovan kirine. Li Şîliyê jî. Sal 1976, li Şîlî serdema dîktatoriya Pinochet e. Di rewşeke wisa de jinek li dijî neyartiya jinan û dijî karên qirêj têkoşînê dide. Jina bi navê Carmen ku di naveroka fîlmî de ye teşavanan dibe wê serdemê. Loma jî navê fîlm "1976" lêkirine.

Fîlmê ku derhêneriya Manuela Martelli dike, Aline Kuppenheim, Nicolas Sepulveda, Hugo Medina, Alejandro Goic, Carmen Gloria Martínez, Antonia Zegers û Marcial Tagle têde dilîzin. Fîlm li Festîvala Fîlman a Cannesê jî derket pêşberî temaşevanan.

"Acid"

Fîlmê derhêner Just Philippot "Acid" bi navê "Buyuk Felaket: Asit Yagmuru" (Bobelata mezin: Baranên Asîtê) hatiye wergerandin û xistine vîzyonê. Di fîlm de Guillaume Canet, Laetitia Dosch, Patience Munchenbach û Marie Jung dilîzin. Fîlm li Cannesê jî hat nîşandayîn.

Di fîlm de çîroka malbatek ku ji bo jiyana xwe, ji bo li ser piyan bisekinin heye. Li dinyyayê bi germê re baranên asîtîn jî dibin sedema mirinan. Ji Amêrîkaya Latîn heta Fransayê li çar aliyên dinyayê ev baranên dibarin dibin sedema tirsê. Malbatek ku di nav bobeletake wisa de maye ji bo cihek bi ewle dê mecbûrî ber xwe bide.

"Duet"

Duet navê belgefîlmê derhêner İdil Akkuş û Ekin İlkbağ e. Defne Bakirci, Misra Gundeş, Anna Yuzhakova û Nataliya Maschcuk têde beşdarî kirine.

Di belgefîlm de çîroka ajneberan heye. Ew di sporê ajneberî de hatine ba hev. Ji bo Olimpiyata 2020'an xwe amade dikin lê bûyer li dû hev tên. Pêşî antrenora wan Natalie ji kar tê girtin, paşê Covid 19 tê. Duet berê xwe dide wan. Fîlmî li Documentaristê û li Festîvala Fîlman a Stenbolê xelat girtibû.

Va ne hemû fîlmên vê hefteyê:

- The Gemini Lounge / Derhêner David A. Abeckaser

- Acide / Derhêner Just Philippot

- 1976 / Derhêner Manuela Martelli

- The Dive / Derhêner Maximilian Erlenwein

- The Expendablez 4 / Derhêner Scott Waugh

- Kocami Kim Oldurdu / Derhêner Bilal Kalyoncu

- Yildiz Topu / Derhêner Ahmet Sonmez

- Huzurum Kalmadi / Derhêner Soner Demirci

- Ammar 4: Cin Kavmi / Derhêner Ugur Kaplan

- Duet / Derhêner İdil Akkuş