Diyarname

“Bêder” namey belgefîlmêke kilmî yo û enka ê biwazê eşkenê serê Youtube de ro ci temaşe bikerê. Fîlm hetê derhêner Arîn Înan Arslan ra hamew antişî û 15 deqey dewam keno.

Di fîlmo kilm de merdimêke (Husên Hesen) beyra serê paştê cê de wo û miyanê vewre de reyra şino. Ew her ke aciz beno beyra keno a û boy xwu dano. Tedir zî bi xeyalan şino serdemêke bîn. Fîlm bi kirmanckî hamey antişî.

Derhêner Arslanî ana vato, “Eno fîlm di şertanê pandemî de hame antişî, şertên pandemî tesîr ro ci kerd. Ez hêvî kena enka ra pey qederey cê nêbo zey a çaxî, rey cê akerdî bo û temaşekerdoxî ro ci temaşe bikerê.” Û bi eno awa enka fîlm serê kanalê youtube yê derhêner Arslanî de hamey vilakerdişî. Ê biwazê eşkenê bê pere temaşe bikerê.

Fîlmo ke senaryo û derhênerî cê Arslanî kerdo de  Husssein Hassan (Husên Hesen), Fatma Arslan, Rozana Kayir û Çagan Kayir kay kenê.

Arîn Înan Arslan kam o?

Derhêner Arîn Înan Arslan 1982 de Dêrsim de hamew dinya. Ê Zanîngehey Ege de Beşê Mamostetî Kompîturê wendo. Ê di serey 2004’inan de fîlmê xwu ê kilm ê yewîn “Kirinti” ant. Dimana 2006’nan de “Sî û Ba” ant û bi enî fîlmî zehf ca xelate girote. Dimara di serey 2010’inan de *Pera Berbangê” û di serey 2020’inan de zî “Bêder’ and.

Ê biwazê ro fîlm temaşe bikerê: