Diyarname

Weqfa Sabanci ji sala 2016'an ve Pêşbaziya Kurtefîlman li dar dixe. Îsal jî pêşbazî dest pê kir û mijara sereke "Qeyrana Avê" ye. Yên bixwazin dikarin heta 17.11.2023'yan berhemên xwe bişînin.

8'emîn Pêşbaziya Kurtefîlman a Weqfa Sabanci ya 2023'yan dest pê kir. Bi diruşma "Bi kurtahî em tîbûnê dikişînin" pêşbaziya îsal dane dest pê kirin û mijara bingehîn "Qeyrana avê" ye.

Mirûda Giştî ya Weqfa Sabanci Nevgul Bilsel Safkan di daxuyaniya şandiye de gotiye ku pirsgirêka lezgîn û hevpar a dinyayê 'qeyrana avê' ye û wiha dom kiriye, "Li dinyayê nîzî 2 mîlyar mirov nixwakir xwe bigihinin çavkaniyên ava vexwarinê. Her sal 1,4 mîlyon kes ji ber bandora neyînî ava ne paqij canê xwe ji dest dide. Li gor Nexşeya Stresa Avê ya Dinyayê (WRI) di sala 2040'î de Tirkiye dê bibe welatê dikevi nav qeyrana avê. Tirkiye di warê qeyrana avê e di nav'welatên talûke' de di rêza duyemîn de ye. Me wekî Weqfa Sabanci jî bala xwe da qeyrana lezgîn a dinya û welatê me. Ji bo vê yekê ev xebat dê hem hunermendan bixe nava tevgerê, hem jî li nav civakê balkêşiyê derxe holê û bi vî awayî meyleke giştî derxe holê. Loma jî me diruşma 'Em tîbûne dikişînin' diyar kir. Baweriya me ew e ku emê di vî warî de balê bikişînin ser meseleyê. Em li bendê ne ku yên fîlman bikişînin hem balê bikişînin ser pirsgirêkê, hem li ser çareseriyê bisekinin."

Derhênera Hunerê ya Kurtefîlman a Weqfa Sabanci Zeynep Atakan jî diyar kiriye ku berhemên we dê wekî nameyeke ji bo pêşerojê yên ku niha hatine nivîsin be.

Roja dawî ya beşdariyê 17'ê sermaweza 2023'yan e. Yên ku bixwazin dikarin bi kurtefîlmên xwe ku herî dirêj 5 deqe bin beşdar bibin. Pêşjurî dê fîlman bineqîne û 10 herî zêde 15 kurtefîman dê bişînin ber destên juriya sereke. Kurtefîlmê yekemîn bi 60 hezar, duyemîn bi 40 hezar, sêyemî bi 25 hezar TL'yî bê xelatkirin. Li aliyê din îsal xelata "Bandora Civakî" jî heye ku di vir de jî fîlmekî bi 25 hezar TL'yî bê xelatkirin.