Amed
1'emîn Festîvala Şanoyê ya Amedê îsal di navbera 20 avrlê, 6'ê gulanê de li dar dikeve. Şaredarê Bajarê Mezin ê Amedê Osman Baydemîr tevî şanogerên Şanogeha Bajarê Mezin li dar xist, bernameya festîvalê eşkere kir û got: "Di serî de ji Stenbol, Enqere, Dihok, Silêmanî û Urmiyê ji gelek deran, 16 komên şanoyê dê werin Amedê Fû lîstikên xwe pêşkêş bikin.

Şanoger bi kincên lîstikan beşdarî daxuyaniya çapemeniyê bûn. Şaredar Baydemir bernameya Festîvala Şanoya Amedê eşkere kir û got ku Festîvala Çandê ya Amedê rê daye ber gelek hunermendî ku eleqeya wan a ji bo çandê zêde bibe. Baydemîr wisa dom kir: "Bi kêxweşî ez dikarim bibêjim ku hem di warê şanoyê de, hem di warê sînemayê de gelek ciwan bi van festîvalan û atolyeyan xwe gihandiye hunerê. Em plan dikin ku di demên cihê, di warê wekî şano, sînema û muzîkê de xebatên girîng bikin û yek ji van xebatan jî 1'emîn Şanoya Festîvalê ya Amedê ye."

Şaredar Baydemir got ku Şanogeha Bajarê Mezin a Amedê ji sala 2003'yan ve bi zimanê zikmakî hunerê dike û bi vê yekê hejmara temaşevanên şanoyê li Amedê zêde bûye. Li gor daneyên TUÎK'ê li temamê Tirkiyeyê hejmara temaşevanên şanoyê her ku diçe kêm dibe lê li Amedê sedî 50 ev hejmar zêde bûye. Xebatên dmara û şanoyê yên her sal em li dar dixin, Şahoya Şanoyê ya Navlîseyan ku ev 8 sal in em didomînin kiriye ku temaşevanên şanoyê zêde bibin.

Baydemîr li ser naveroka Festîvala Şanoyê jî ev agahî pêşkêş kirin:
- Festîval roja 29'ê avrêlê dest pê dike û 6'ê gulanê bi dawî dibe.
- Di 8 rojan de dê 16 komên şanoyê bên Amedê û xebatên xwe pêşkêş bikin.
- Ji Dihok, Silêmanî, Ûrmiye, Stenbol, Enqere û hin bajarên din komên şanoyê beşdarî festîvalê dibin.
- Di festîvalê de 15 lîstik dê bi zimanê kurdî (zaravayên kurmancî, kirmanckî, soranî bên pêşkêşkirin.
29'ê mehê bi pêşkêşkirina performansa dansê ya Koma Dansê ya Navenda Çanda Mezopotayayê dê festîval dest pê bike. Kom dê performansa xwe ya bi navê "Jenosît" pêşkêş bike.
- Di festîvalêde xebatên workshopê dê li dar bikevin û ciwan dikarin beşdar bibin.
- 44 metnên şanoyê ku ji bo pêşbaziyê hatine şandin dê29'ê mehê lîstikên bi ser ketine bêne eşkerekirin.