Diyarname

Kovara du mehane Dilop bi hejmara xwe ya gulan-pûşperê li pêşberî xwendevanên xwe ye.

Kovaka ku hejmara xwe ya 30'emîn derxistiye berê xwe daye mijarên rojevê.

Di vê çarçoveyê de hin nivîs û hevpeyvîn hatine belav kirin. Serpil Îlgun li ser mijara sereke ya kovarê, ligel Prof. Dr. Hatice Kurtuluş li ser ekonomî-polîtîk a erdhejê axiviye. Kurtuluş dibêje, "Desthilatdarî ji butçeya dewletê bi îhaleyên mezin vê sektorê zindî dike. Ev demek dirêj najo, demek kurt e, lê di kurtedemê de bikaranîna butçeya dewletê wekî meşrû nîşan dide. Yanî, ger erdhej çêneba, AKP'ê nedikarî ji kaseya dewletê ew qas butçeyeke mezin bida vê sektorê. Bida, wê meşrû neba,ji ber ku dê bihata gotin 'we bi hezaran avahî çêkirin lê xelk nakire'. Yanî, erdhej ji bo sermayeyê bû firsendeke mezin."

Li aliyê din Bulent Ulus jî di vê mijara erdhejê de ligel  Foti Benlisoy hevpeyvînek kiriye.

Ji biLî van, Fewzî Bîlge, Ozkan Zulfikar, Bilge Seçkin  Çetinkaya, Sedat Yilmaz, Mehmet Xetîb Etmankî û Vecdi Erbay bi nivîsên xwe yên mijara dosyaya kovarê, dîsa Welat Dilken bi nivîsa xwe ya ceribandinî bi sernavê "06.02.2023, saet 04.17" û Firat Keklik jî bi helbesta xwe ya bi navê "Erdhej" ked daye vê dosyayê.

Ji bilî meseleya dosyayê, nivîs û hevpeyvînên din jî hatine belavkirin. Serpil Îlgun bi hevpeyvînek din ked daye kovarê û ligel zanyarê siyasetê Dr. Zafer Yoruk axiviye. Li aliyê din hevpeyvînek din jî ligel Mebûsê HDP'ê yê Amedê Garo Paylan hatiye kirin. Paylan dibêje, "Ne tenê ermeniyan, her kesî winda kir."

Meha borî derhêner Aram Dildar bi kurtefîlmê xwe "Navnîşan" di 42'yemîn Festîval Fîlman a Navneteweyî ya Stenbolê de xelata Kurtefîlmê Herî Serketî girt. Cemil Oguz ligel Dildar axiviye û jê nivîseke amade kiriye. Dildar dibêje, "Bila kurtefilmê min ji bo têkoşîna navên kurdî bibe gavek".

Li aliyê din ji bilî van, di vê hejmarê de nivîsên Nazenin Karakaş, Yuksel Genç, Muzaffer Oruçoglu, Îbrahîm Karaca û helbestên Celadet Alî Bedirxan, Arjen Arî û Şêxmûs Sefer hatine belavkirin.

Ji bo têkilî:

+90 543 488 69 96

dilopdergisi@gmail.com 

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.