Diyarname

Vane çend nûçeyên li ser sporê yên derketine pêş:

Ji qansêrê emeliyet bû û hat got lîst
Li Tirkiyeyê Bolu Spor di Lîga 1'emîn a PTT'ê de dilîze. Lîstikvanê wan ê ji Hollanda Mitchell Qinten te Vrede 25 salî ye. Çend meh berê teşhîsa qansêre lê hat kirin û 2 meh berê emeliyet bû. Piştî emeliyetê Vrede baş bû û roja 30'ê avrêlê di maça Bolu Spor û Balikesîrê de di deqîqeya dawî de ket maçê û lîst. Bi vê yekê Vrede serketina xwe nîşan da û piştî maçê jî wisa got: "Ji bo min demên zehmet bûn û ew roj êdî li paş man."

Beşîktaşê ji kîsê xwe xwar

Yekemînê Super Toto yê Tirkiyeyê Beşîktaş ligel duyemînê lîgê Başakşehîrê lîst. Berî lîstikê Beşîktaş bi 7 pûanan li pêş bû û bi ser biketa hema hema dê şampiyonî ragihanda lê nebû. Di 18 deqîqeyên pêşî de Başakşehirê 3 gol avêtin, hewldanên Beşîktaşê têr nekirin, gola Dem Baba ku piştî 6 mehan careke din vegeriya maçê jî têrê nekir: 3-1. Beşîktaş ji kîsê xwe xwar û hefte bi zerar dawî kir. Niha Beşîktaş bi 64 pûanan yekemîn, Başakşehîr bi 60 pûanan li dû û Fenerbahçe jî bi 56 pûanan sêyemîn e. Hefteya pêşiya me Beşîktaş û Fenerbahçe ligel hev dê bilîzin.

Bayer berî 3 hefteyan bû şampiyon

Di Bundesliga ya Almanyayê de Bayer Munchen berî lîg bi dawî bibe bi 3 hefteyan şampiyoniya xwe ragihand. Di hefteya 31'ê de Bayer li mala xwe ligel Wolfsburgê lîst û tam 6 gol şandin keleha Wolfsburgê. Bi vê serketinê pûanên Bayerê bûn 73 û yê di rêza duyemîn de RB Leipzig xwedî 63 pûanan e. Berî lîg bi dawî bibe bi 3 hefteyan Bayer bû şampiyon. 

Bayer Munih bi vê bû 27 caran di Bundesligayê de dibe şampiyon.