Diyarname
Komîteyê got: "Vegotinên helbestvan Transtromer rêyên nû ên ji bo xwegihandina rastiyê pêşkêşî me dikin" û biryar da ku Xelata Nobelê ya Wêjeyê ya îsal bidin helbestvanê swêdî Tomas Transtromer.
Akademiya Zaniskê şa Kraliyeta Swêdê îro li Salona Akademî ya Swêdê li ser xelata Nobelê ya Wêjeyê daxuyanî da. Daxuyanî ji aliyê Peter Englund ve hat xwendin û diyar kir ku wan ji bo Xelata Nobelê ya Wêjeyê îsal helbestvan Tomas Transtromer guncan dîtiye. Englund diyar kir ku helbestvan Transtromer yek ji helbestvanên herî baş e.
Berhemên surrealîst yên tevî razberiya aqilê mirovan kirine ku Transtromer ji Şerê Cîhanê yê Duyemîn ve bibe yek ji helbestvanê girîng ê dinyayê yê ji Skandînavyayê.
Transtromer ê 80 salî di van salên dawî de her di nav favoriyên berendamên Xelata Nobelê ya Wêjeyê de bû û îsal gihîşt armanca xwe.
Helbestên helbestvan li zêdeyî 50 zimanan hatine wergerandin û wî heta niha li welatê xwe û li qada navneteweyî gelek xelat girtine. Di nav van xelatan de li Îtalyayê xelata helbestên klasîk "Premio Nonino" û li Komara Gel a Çînê "Xelata Hirça Mezin" jî hene.
Transtromer roja 15'ê avrêla 1931'ê de li Stockholmê hatiye dinê. Xwendina seretayî li Sorda Latin School xwendiye, zanîngeh jî li Zanîngeha Stockholmê Beşa Wêjeyê li ser derûnî û helbestê xwendiye; di sala 1956'an de zanîngeh temam kiriye. Wî piştî salên 1960'î dest ji kar û bar berdaye û bi temamî li ser nivîsê kûr bûye. Ew li Vasteras a nêzî Stockholmê dijî.
Li Tirkiyeyê bi navê "Huzun Gondolu" û "Îzmîr Saat Uç" du pirtûkên wî li tirkî hatine wergerandin û weşandin.
Ji sala 1960'î ve kesên Xelata Nobelê ya Wêjeyê girtine:
- 2010: Mario Vargas Llosa (Peru)
- 2009: Herta Muller, Almanya
- 2008: Jean-Marie Gustave Le Clezio, Fransa
- 2007: Doris Lessing, Îngilistan
- 2006: Orhan Pamuk, Tirkiye
- 2005: Harold Pinter, Îngilistan
- 2004: Elfriede Jelinek, Avusturya
- 2003: J.M. Coetzee, Afrîkaya Başûr
- 2002: Imre Kertesz, Macaristan
- 2001: V.S. Naipaul, Îngilîzê bi eslê xwe Trinidadê
- 2000: Gao Xingjian, Fransizê bi eslê xwe çînî
- 1999: Gunter Grass, Almanya
- 1998: Jose Saramago, Portekîz
- 1997: Dario Fo, Îtalya
- 1996: Wislawa Szymborska, Polonya
- 1995: Seamus Heaney, Îrlanda
- 1994: Kenzaburo Oe, Japonya
- 1993: Toni Morrison, DYA
- 1992: Derek Walcott, St. Lucia
- 1991: Nadine Gordimer, Afrîkaya Başûr
- 1990: Octavio Paz, Meksîka
- 1989: Camilo Jose Cela, Spanya
- 1988: Necip Mahfuz, Misir
- 1987: Joseph Brodsky, Amerîkayîyê bi eslê xwe rusyayî
- 1986: Wole Soyinka, Nîjerya
- 1985: Claude Simon, Fransa
- 1984: Jaroslav Seifert, Çekoslovakya
- 1983: William Golding, Îngilistan
- 1982: Gabriel Garcia Marquez, Kolombiya
- 1981: Elias Canetti, Îngilîzê bi eslê xwe bulgaristanî
- 1980: Çeslav Miloş, Amerîkayiyê bi eslê xwe polonî
- 1979: Odysseus Elytis, Yewnanistan
- 1978: Isaac Bashevis Singer, Amerîkayiyê bi eslê xwe polonî
- 1977: Vicente Aleixandre, Spanya
- 1976: Saul Bellow, Amerîkayiyê bi eslê xwe kanadayî
- 1975: Eugenio Montale, Îtalya
- 1974: Eyvind Johnson û Harry Martinson, Swêd
- 1973: Patrick White, Avusturyayiyê bi eslê xwe îngiliz
- 1972: Heinrich Boell, Almanya (ya Rojava)
- 1971: Pablo Neruda, Şîlî
- 1970: Aleksandır Soljenitsin, Rusya
- 1969: Samuel Beckett, Îrlanda
- 1968: Yasunari Kawabata, Japonyya
- 1967: Miguel A. Asturias, Guatemala
- 1966: Shmuel Y. Agnon, Îsraîliyê ji bi eslê xwe polonî û Nelly Sachs, Swêdiyê bi eslê xwe alman
- 1965: Mihail Şolohov, Rusya
- 1964: Jean-Paul Sartre, Fransa (Xelat red kir)
- 1963: Yorgo Seferis, Yewnanistan
- 1962: John Steinbeck, DYA
- 1961: İvo Andriç, Yugoslavya
- 1960: Saint-John Perse, Franssa