Diyarname

Li Tirkiyeyê saziya Kizilay wekî saziyeke xêrxaz hatiye sazkirin ku bi dehan salan e wisa ye. Ev Kizilaya ku her alîkariya mexdûran dikir di vê erdhejê de bû sedema nîqaşa mezin. Sedem ew bû: Kizilayê bêyî ku konên di destê xwe de di cih de ji bo mexdûrên erdhejê bişîne, ew kon firotin komeleya Ahbapê.

Serokê Kizilay Kerem Kinik bû û ligel hemû rexne û gotinan jî Kinik heta îro îstîfa nekir. Berî hilbijartin çêbe bi du rojan Kinik îstîfa kir.

Meseleya firotina konan li Tirkiyeyê gelek deng veda, aliyê desthilatdariyê jî mecbûr man li ser biaxivin. Ji AKP'ê hin wezîran bi gotinên gilover nerazîbûn anîbûn ziman lê kesî negotibû bila Kinik îstîfa bike. Serokomarê Tirkiyeyê û Serokê Giştî yê AKP'ê Recep Tayyip Erdogan heta niha di vî warî de tiştek negotibû, berî hilbijartin çêbe bi du rojan, yanê duh got, "Vê mijarê ez xemgîn kirim. Bi lezgînî gere ev şaşî bê rastkirin. Dema hat gotin kon divên, divê tu kêmasiya Kizilay tune ba."

Li aliyê din kurtedemek berê hat ragihandin ku stokên xwînê yên Kizilayê jî gelek kêm bûne û di asta tunebûnê de ne. Ev yek jî wekî bêbaweriya li hemberî Kizilay hatibû nirxandin.

Wî çi gotibû?

Dema bûyer derketibû holê ku bi pereyan kon firotine û reaksiyon çêbûbûn, Kinik wisa gotibû, "Ez wekî kesekî ku hatiye hilbijartin peywirê dikim. Li holê serketinek heye, bi gotinan hinan ez tevnagerim." 

Yilmaz dê bikeve cihê wî

Li aliyê din piştî îstîfayê hat gotin ku dê Cîgira wî Fatma Meriç Yilmaz bê cihê wê. Yilmaz, li Enqereyê Sekretera Nexweşxaneyên Kamûyê ya Herêma 1'emîn bû. Yilmaz ku cîgira muşteşarê Wezareta Tenduristiyê bû, li ser navê Wezareta Tenduristiyê wê Akademiya Tibê ya Leşkerî ya Gulhayê teslîm girtibû.