Diyarname

Kurdekî bi navê Serbaz Berzencî piştî cîgirî, niha jî bû Şaredarê Lambeth a Londona Îngilistanê.

Siyasetmedar Serbaz Berzencî 36 salî ye. Ev zêdetirî 20 salan e li Îngilistanê dijî. Berzencî par di meha gulanê de bûbû Cîgirê Şaredarê Lambethê û niha jî bû Şaredar.

Li Meclisa Şaredariyê meresimek hat li dar xistin. Berzencî bi kincên kurdî beşdarî merasimê bû û hem bi kurdî, hem bi îngilîzî sond xwar. Piştî sondxwarinê Berzencî wekî şaredar dest bi peywirê kir.

Lambeth li başûrê Londonê navçeyek e. Nifûsa wir dor 300 hezar kesî ye. Di sala 2019'an de kurdekî ji Elbistanê Îbrahîm Doguş ji bo serokatiya şarediraya wir hatibû hilbijartin û bûbû şaredar.

Serbaz Berzencî (Serbaz Alî Berzencî) kurdekî Başûr e û ji Raperîna Silêmaniyê ye. 

Berzencî roja 26'ê mehê bi merasimek peywir girt ser milên xwe. 27'ê mehê bi ser hesabê xwe yê tora civakî re wisa got, "Ez gelek serbilind im ku bûme Şaredarê We. Ji bo pêşerojeke ronîtir ezê ji bo her kesî bixebitim. Ez gelek dilşad im ku ezê xizmetê gelê Şaredariya Lambethê bikim û ji bo gelê Lambethê û endamên meclisa şaredariyê ku ev peywir dane min ez sipasiya xwe pêşkêş dikim. Serbilindiyek e ku min bawerî û piştgiriya we bi dest xistiye. Ji bo xizmeta vê civakê ez soz dikim ku çi ji destê min bê ezê bikim. Bi hev re ji bo xwe, ji bo zarokên xwe û ji bo nifşê pêşerojê em dikarin pêşrojeke baştir ava bikin. Sipas dikim."

Serbaz Berzencî par bûbu Cîgirê Şaredar, niha ji bo Serokê Şaredarî hat hilbijartin.  

Piştî peywirê Berzencî yekem axaftina xwe kir û dîwan bi rê ve bir.

***

Nûçeya Eleqedar:

- Li Londonê kurdekî bû Cîgirê Şaredar

***

- Youtube: http://youtube.com/diyarnamediyarname… 
- Malper: http://diyarname.com 
- Twitter: https://twitter.com/diyarname1 
- Facebook: http://facebook.com/diyarname 
- Mail: diyarname@diyarname.com