Diyarname

Sendîkaya Lîstikvanan li ser binçavkirina şanogerên kurd daxuyaniyeke nivîskî belav kir û got, "Girtiyên binçavkirî berdin." Lîstikvanên Şanoyê yên li Batmanê jî daxuyanî belav kirin.

SENDÎKAYA LÎSTIKVANAN

Sendîkayê di daxuyaniya xwe de binçavkirina lîstikvanên Şanoya Bajêr a Amedê Yavuz Akkuzu, Elvan Koçer Yildirim, Ozcan Ateş, Sena Ozbey, Şahperi Alphan Bayhan û Saadettin Înal bibîr xist û wiha got, "Li gor agahiya ku parêzeran daye 24 saetan qedexeya hevdîtinê heye û loma em nizanin hempîşeyên me çima hatine binçavkirin. Em dixwazin di cih de hempîşeyên me bêne berdan. Em radigihînin ku emê mijarê bişopînin. Girtiyên binçavkirî berdin."

ŞANOGERÊN LI BATMANÊ

Şanoger û komên şanoyên yên li Batmanê jî daxuyanî belav kirin û binçavkirina şanoger, rojnameger, hiqûqnasan şermezar kirin û gotin: “Ev ne skandala ewil û ne ya dawî ye. Em baş bi bîr tînin ku beriya ku şanoyên kurdî hatin astengkirin û hunermendên kurd di girtîgehê de îşkence dîtin!”

Şanogeran wisa got, "Bila bê zanîn ku emê her li qadan, li ser dikan, li kolanan hunera xwe pêşkêşî gelê xwe bikin. Hunera me tenê bersivek e ji bo vê faşîzmê."

***

Nûçeyên Eleqedar:

- 33 baroyan daxuyanî da 

- 12 saziyên ziman û çandê li ser binçavkirinan daxuyanî dan 

- Gelek rojnameger, şanoger, muzîkar hatin binçavkirin