Diyarname

Brezîlya û Çînê biryar dan ku di bazirganiya di navbera wan de dolarê bikar neynin, pereyên yuan û realê bikar bînin.

Pereyên Çînê yuan e, yê Brezîlyayê jî real e. Çîn duyemîn bazara aboriyê ya herî mezin a dinyayê ye. Brezîlya jî li Amerîkaya Latîn xwediyê aboriya herî mezin e. Niha van her du welatan li hev kir ku di bazirganiya bi hev re ne dolar, lê pereyên hev bikar bînin.

Li gor peymanê du banke Commercial Bank of China û Bank of Communications BBM dê van karan bi rê ve bibin.

Her du welatan par 150.5 mîlyar dolar bi hev re karê bazirganî kiriye ku di vî warî de Çîn hevkarê herî mezin ê Brezîlyayê ye.

Çîn ligel Rusya, Pakistan û hin welatên din jî di bazirganiyê de pereyê herêmî bikar tîne.