Diyarname

Lîstikvana navdar Sharon Stone piştî salan pereyên ku ji fîlmê "Basic Instinct" girtine eşkere kir. Stone got ku Michael Dougles ji wê zêdetir pere girtiye ku her du bi hev re di serlîstikvaniyê de bûn.

Stone di şeva 43'yemîn Xwarina New York Women In Film & Television de qala fîlmê îkonîk ku di sala 1992'yan de kişandibû kir. Wê got ku ji fîlm 500 hezar dolar pere girtiye. Lê di heman demê de diyar kir ku Douglesî 14 mîlyon dolar pere ji fîlm girtiye û ev yek lê zêde kir, "Helbet ez di nav sektorê de nû bûm. Lê jixwe ew stêrkek mezin bû."

Stone rojên borî di çalakiya WCRF (Fona Lêkolîna ji  bo Kanserên Jinan) de gotibû ku wê nîvê serwetê xwe di bankeya Silicon Valley de winda kiriye, ku çendek berê banke têk çûbû.