Diyarname
Şaxa ÎHD'a Stenbolê ev çerd sal in li ser navê Ayşe Nur Zarakolu "Xelata Azadiya Ramanê" dide kesên ku di vî warî de xebat kirine.
Komeleyê îsal ev xelat da Prof. Dr. Buşra Ersanli, nivîskar Nuray Mert û li ser navê rojnamegerên girtî da Ahmet Şik. Di merasima xelatdayînê de Nuray Mert got ku li Tirkiyeyê maf, azadî, aşti û demokrasî di çarçoveya têkoşîna muxalefetê ya kurdan de dê pêk bê û mirov li cem vê be dê pêk bê. Mert ev yek lê zêde kir: "Ez serbilind im ku bi vê têkoşînê re me."
Ahmet Şik jî piştî girtina xelata xwe wisa got: "Ez vê xelatê li ser navê hemû girtiyên ji ber azadiya ramanê digirim. Ger dewlet dixwaze min jî daxilê rêxistinekê bike, bila min jî, Nurey Mert jî daxilî vê rêxistinê bike. Û ez ji vê derê nîşaneyên serkeftinê bilind dikim" û Şik pêre jî tiliyên xwe bilind kir.