Diyarname

Festîvala Fîlman a Navneteweyî ya Stenbolê xelatên Rûmetê yên Sînemayê yên ku Îsal dê bide diyar kirin. Li gor agahiya ku hate parvekirin festîval îsal dê xelatê bide Kayhan Yildizoglu û Nevra Serezli.

Festîvala ku ji aliyê ÎKSV’ê ve dê bi rê ve birin îsal 42’yemîn car li dar dikeve. Festîval îsal dê di navbera 7-18’ê avrêle de li dar bikeve. Festîval ligel xelatên serketina fîlman xelatên rûmetê jî dide. Niha ew kesên dê wan xelat bike eşkere kirin.

Ji van Kayhan Yildizoglu lîstikvanê sînema û şanoyê ye. Ew di sala 1933’yan de li Stenbolê hatiye dinê, li Şanoya Bajêr a Stenbolê 27 salan xebitiye. Di sala 1966’an de wekî fîlmê yekem di fîlmê “Malkoçoglu” de lîstiye. Di fîlmên derhênerên wekî Zeki Okten, Halit Refig, Lutfi O. Akad, Duygu Sagiroglu, Memduh Ün de, bi giştî li dor 300 fîlmî de lîstiye. Yildizoglu ki li Îngilistan, Rusya, Îtalyayê xebitiye, di sala 2015’an de dest ji şanoyê berdaye.

Wî ligel Xelata Serketina di Hemû Jiyanê de (ji festîvala Antalyayê), gelek xelatên din jî girtine.

Lîstikvana sînema û şanoyê Nevra Serezli di sala 1944’an de li Enqereyê hatiye dinê. Di şanoyên Dormen Tiyatrosu, Ankara Sanat Tiyatrosu, Çevre Tiyatrosu de cih girtiye.Ji sala 1976’an de di nav sînemayê de cih girtiye, di gelek fîlman de lîstiye. 

Serezli ligel Xelata Lîstikvana Herî Serketî heta niha gelek xelat girtine.

***

Nûçeyên Eleqedar: 

- Juriya Pêşbaziya Neteweyî û Pêşbaziya Seyfi Teoman diyar bû  

- Ewê belgefîlman hilbijêrin 

- Juriya Pêşbaziya Kurtefîlman diyar bû 

- Festîvala Stenbolê li benda fîlman e