Diyarname

Li Berlina Almanyayê Deriyê Brandenburg heye. Sembola Berlînê ye. Ev derî di navbera salên 1788-1791’ê de hatiye çêkirin. Li ser 10 stûnan e. Ev deriyê ku wekî sembola Berlînê ye gelek caran ji şeran zirar dît lê her hat nûkirin. Û roja 22’yê berfanbara 1989’an ji aliyê Şansolyeyê Almanyaya Rojava Helmut Koln ve carek din hat vekirin.

Em çima qala vê dikin? Ji ber ku îro ev derî bi diruşmên kurdî hat xemilandin. Li ser derî, bi ronahî û rengên ronahiya cur bi cur  “Jin, Jiyan, Azadî” hat nivîsandin. Ev nivîs bi kurdî, farisî û almanî ji bo piştgiriya jinên li Îranê li ser derî hat nivîsandin. Ev çalakî bi xebata saziya xêrxwaziyê Hawar.help ku Duzen Tekkal serkêşiya wê dike hat kirin û gelek hat ecibandin.

Di dema vê çalakiyê û pêxistina vê ronahiya li ser derî de gelek hunermend, jin û Şaredara Berlînê Franziska Giffey jî axaftin kirin û piştgiriya xwe ya ji bo xwepêşandanên li Rojhilat û Îranê diyar kirin.

Şaredara Berlînê Franziska Giffey di dema çalakiyê de amade bû û axivî. Yek ji organîzatoran Duzen Tekkal (Li milê rastê) jî axivî.