Diyarname
Zanyaran di dawiyê de dest avêtin mijara wêjeyê jî û 10 romanên ku bi awayên cuda bandor li asoya mejiyê mirovan dikin eşkere kirin.
Komek zanyaran ji ser rewşa "başkirin"ê ya wêjeyê re dest bi xebateke kirin; diyar kirin ku romanên baş asoya mejiyê mirovan fireh dikin, têkiliya civakî xurt dikin ku pêre jî şexsiyetê diguherînin û dikin ku mirov bi awayekî hêsan têkiliyê bi hev re saz bikin.
Li gor nûçeya rojnameya Hurriyetê hîndekarên Zanîngeha Toronto derûnînas Keith Oatley û Ingrid Wickelgren gotareke di Scientific American de nivîsîn. Li gor gotarê xwendevan dema xwe dike wekî lehengê romanê hem cîhana wî/ê ya xeyalî fireh dibe, hem têkiliyên wî/ê yên civakî xurt dibin.
Gotar dibêje ku romaneke baş bi van bandoran mejiyê mirov pêş şd ixe û li ser helwestên mirovan nîşaneyên rast pêşkêş dike.
Her du zanyaran 10 romanên ku asoya mejiyê mirovan pêş dixin jî diyar kirine. Di nav lîsteyê de "Anna Karanîna" ya Tolstoy jî, "Xanim Dalloway" a Virgina Woolf jî, "The Reluctant Fundamentalist" a Muhsin Hamîd ku di sala 2007'an de nivîsiye jî heye.
Vaye lîsteya ku zanyaran amade kiriye.
- Johann von Goethe / Jana Wertherê (1787) - (Ev pirtûk li kurdî jî hatiye wergerandin û ji Weşanên Pêrî derketiye. Wergera ji bo kurdî: Arjen Reîf Kosorî û Memê Mala Hinê)
- Jane Austen / Pride and Prejudice (1813)
- Nathaniel Hawthorne / The Scarlet Letter (1850)
- Gustave Flaubert / Madam Bovary (1856)
- George Eliot / Middlemarch (1870)
- Leo Tolstoy / Anna Karenina (1877) - (Hin çîrokên Tolstoy li kurdî hatine wergerandin lê ev berhem nehatiye wergerandin)
- Virginia Woolf / Xanim Dalloway (1925)
- Toni Morrison / Bloved (1987)
- J.M. Coetzee / Hetîketî (1999) - (Ev pirtûk li kurdî jî hatiye wergerandin û ji Weşanên Lîs derketiye. Wergera ji bo kurdî: Yunus Eroglu)
- Muhsin Hamid / "The Reluctant Fundamentalist" (2007)
Hema hema ev pirtûk hemû li tirkî hatine wergerandin lê hê li kurdî nehatine wergerandin ji bilî yên me diyar kirin.
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.