Diyarname
Keça Hrant Dink Delal Dink bi Gerînendeyê Weşanê yê rojnameya Agosê Rober Koptaş re zewicî.

Merasima zewaca Dink û Koptaş li Dêra Dayika Meryem a li Kumkapiya Stenbolê li dar ket.

Di merasimê de helbesta Hrant Dink a ku ji bo hevsera xwe Rakel Dink nivîsî bû hat xwendin.

Piştî merasima zewacê li restorantekê xwarin dan mêvanan ku di nav wan mêvanan de rojnameger Hasan Cemal, Ali Bayramoglu, Etyen Mahçupyan, mebûsa CHP'ê Şafak Pavey û mebûsê BDP'ê Sirri Sureyya Onder jî amade bûn. Di şevê de stranên Ahmet Kaya hatin strîn.

Robert Koptaş kî ye?
Rojnameger Rober Koptaş par bû Gerînendeyê Weşanê yê Agosê ku Etyen Mahçupyan ev peywir dewrî wî kir. Koptaş ji sala 2006'an ve di rojnameyê de, quncikek bi navê "Jiyan eynî wekî xwe" dinivîse. Koptaş di sala 1977'an de hatiye dinê, wî li Zanîngeha Bogazîçî lîsansa bilind û doktoraya xwe kiriye.