Diyarname
Mebûsa BDP'ê Sevahir Bayindir ku duh bi êrîşa polîsan re rû bi rû mabû hat emeliyet kirin. Dixtoran gotin divê Bayindir 6 hefteyan ji cihê xwe ranebe.

Li Silopiya Şirnexê duh polîsan êrîşî mebûsên BDP'ê û girsiya ku dixwest li hemberî şer çalakiyê pêk bîne kir. Di encamê de qorikê mebûsa Şirnexê ya BDP'ê Sevahir Bayindir şikiye û ew bi balafireke rakirin Enqereyê. Li Nexweşxaneya Ozel Mesa Bayindir hat emeliyet kirin. Cihê şikestî bi sê vîdayan bi hev ve girê dan û dixtoran got divê Bayindir 6 hefteyan ji cihê xwe nelebite. Her wiha hate gotin ku talûkeya hevnegirtin û rizîna hestî jî heye. Hate gotin ku di nav sê rojan de wê Bayindir ji nexweşxaneyê bibin mal.
Vê sibê mebûsên BDP'ê çûn serdana Bayindir.

Li aliyê din rnêxistina BDP'ya Îzmîrê li ser vê îro li ber avahiya xwe daxuyaniyeke da çapemeniyê û xwest Wezîrê Karên Hundir Beşir Atalay îstîfa bike

**

Nûçeya li ser birîndariya parlementer Sevahîr Bayindir:

- Uras: Di serê wan de derizînek heye

- Wê mebûsa BDP'ê Bayindirê emeliyet bikin