Stenbol
Komeleya Mafên Mirovan (ÎHD) ku li ser mafên mirovan xebatên xwe didomîne kete 36 saliya xwe. Ji bo vê yekê Şaxa ÎHD'ê ya Stenbolê li Sultanahmetê daxuyanî da çapemeniyê. Di dema dayîna daxuyaniyê de pankarta “Têkoşîna me ya mafên mirovan didome û dê bidome” hat vekirin û dowîzên “Ji şer re na aştî a niha”, “Mirov bi mafên xwe mirov e”, “Ji tundiya zilam û dewletê re bes e” û “Ji îstîsmarkirina zarokan re bêje bes e” hatin hildan. Hevseroka Giştî ya ÎHD’ê Eren Keskîn, Dayikên Şemiyê û nûnerên gelek rêxistinên civaka sivîl jî beşdarî çalakiyê bûn.
Seroka Şaxa ÎHD’ya Stenbolê Gulseren Yolerî got ku komeleya wan piştî Darbeya 12’ê Rezberê di nav şertên giran de hatiye damezirandin û got ku wan hewl daye pêşî li desthilatdariya ku dibe sedema van binpêkirinan bigirin
Yolerî li ser binpêkirinên niha jî kir û bal kişand ser girtîgehan, nexweşên li girtîgehan û tecrîda li ser wan.
DûreHevseroka Giştî ya ÎHD’ê Eren Keskîn jî axivî: “Yekemîn saziya rêxistina civaka sivîl a piştî Derbeya Leşkerî hatiye avakirin ÎHD ye. Ji hêla malbatên zarokên wan di girtîgehan de, yên hatine bidarvekirin û hwd. ve hate avakirin. ÎHD her tim li dijî şer, nîjadperestî, milîtarîzm û homofobiyê têkoşiya."
Keskîn got ku ÎHD dijî milîtarîzmê ye û hin kesên di vê serdemê de canê xwe ji dest dane wekî Vedat Aydin, Musa Anter, Neman Firtina û bi dehan kesên din bi bîr anî.