Diyarname

Li Ewropayê 5 lîgên mezin ev in: Premier Lig, Bundesliga, LaLiga, Ligue 1, Serie A. Li van welatan dê kengê serdema 2022-2023’yan dest pê bike? Bername zelal bû.

PREMIER LÎG

Li Premier Lîgê fîkstur diyar bûye. Li vê derê lîg roja 5’ê gelawêjê dest pê dike û roja 28’ê gulana 2023’yan dê bi dawî bebe. Rojên 12-13’yê sermawezê dê maç bêne lîstin û ji bo Kûpaya Cîhanê dê navberê bidinê. 26’ê berfanbarê dê carek din lîg dest pê bike.

Şampiyonê par Manchester City ku di bin rêberiya Guardiola de bû şampiyon, îsal di hefteya yekemî de dê West Hamê bike mêvan. Liverpoolê ku bûbû duyemîn li mala Fulhamê dê dest bi lîgê bike.

Maçên hefteya pêşî bi vî rengî ne:

5 Gelawêj:  Crystal Palace-Arsenal,

6 Gelawêj: : Bournemouth-Aston Villa, Everton-Chelsea, Fulham-Liverpool, Leeds United-Wolverhampton, Leicester City-Brentford, Newcastle United-Nottingham Forest, Tottenham-Southampton,

7 Gelawêj: : Manchester United-Brighton, West Ham-Manchester City.

BUNDESLIGA

Di lîga Almanyayê Bundesliga de serdema maçan 5’ê gelawêjê ye. Lîg dê roja 27’ê gulana 2023’yan bi dawî bibe.

SERIE A

Lîga Îtalyayê Serie A roja 13’yê gelawêjê dê startê bide û 4’ê pûşpera 2023’yan de vê serdemê temam bike.

LA LIGA

Lîga mezin a Spanyayê La Liga roja 12’yê gelawêjê dest pê dike û lîg dê roja 4’ê pûşpera 2023’yan bi dawî bibe.

LIGUE 1

Lîga Fransayê Ligue 1jî dê 6’ê gelawêja 2022’yan de deriyan veke û 4’ê pûşpera 2023’yan de deriyan bigire.

KÛPAYA CÎHANÊ

Îsal Kûpaya Cîhanê ne havînê lê payîzê û zivistanê li Katarê li dar dikeve. Dîroka Kûpaya Cîhanê di navbera 21’ê sermawezê û 18’ê berfanbarê de ye. Loma jî di vê mehê de li hemû lîgan navderê didin lîgê.

SUPER LÎG

Li aliyê din ji bo Super Lîga Tirkiyeyê jî roja 4’ê tîrmehê pişkê hat kişandin.  Li Super Lîgê 5’ê gelawêjê dest pê dike û roja 28’ê gulana 2023’yan bi dawî dibe.

Li navenda TFF’ê ya Rîvaya Stenbolê ji bo serdema 2022-2023’yan pişke hat kişandin. Di dîroka TFF’ê de yekem car jinek pişke kişand. Stranbêj Goksel ji bo fîksturê pişke kişand û bi vê ket nava dîrokê.

Maçên hefteya pêşî bi vî rengî ne:

- FTA Antalyaspor - Galatasaray

- V.F. Karagumruk - Alanyaspor

- Beşiktaş - Y. Kayserispor

- DG Sivasspor - Gaziantep FK

- MKE Ankaragucu - Konyaspor

- M.Başakşehir - Kasimpaşa

- İstanbulspor - Trabzonspor

- Fenerbahçe - Umraniyespor

- Giresunspor - Adana Demirspor

- A. Hatayspor bay