Diyarname

Temaşevanan li maçeke balkêş, maçeke ku nayê ji bîr kirin temaşe kirin. Maça yekemîn li Îngilistanê bi 4-3 serketina Manchester City bi dawî bûbû. Vê carê maç li Spanyayê li Barnebeu bû. Bi heyecan dest pê kir û bi heyecan bi dawî bû. Real Madrîdê bi 3 golan, i 3-1’ê, di encama 120 deqîqeyî de navê xwe li tabelaya fînalê nivîsî.

Ev maça nîv fînalê di asta fînalê de bû. Berxwedana defansa her du tîman, êrîşa forvetên her du tîman, hakimbûna gogê ya li navika sehayê, qayişkêşan, heyecan, her tişt di maçê de hebû. Her du tîman fînal heq dikir. Lê helbet tenê tîmek dê biçûya fînalê û biba reqîbê Liverpoolê ku duh çûbû fînalê. Ew jî bû Real Madrîd. Real Madrîdê ku berî lîg bi dawî bibe di La Lîgayê de şampiyoniya xwe ragihandiye vê carê çû fînalê û destekî xwe avêt qulpa kûpaya Lîga Şampiyonan. 28’ê vê mehê dê ligel tîma din a îngilîz Liverpoolê bide û bistîne.

NOTÊN JI MAÇÊ

Maç bi heycanê dest pê kir. Di deqîqeyên pêşî de Realê êrîş kir, lê êrîşa cidî di deqîqeya 4’an de bi Carvajal hat.  Carvajal ji aliyê rastê ve bilind kir, Benzema bi serî lêda, gog bi ser dîrekê re çhu autê. Di deqîqeya 8’an de di navbera lîstikvanan xirecir derket. Modrid û Laporte qertên zer girtin.

Deqœiqeya 20’î de li ser navê City Bernardo Silva şût avêt lê Courtois top şand kornerê. Di nîveka yekemîn de her du tîman jî zor li reqîb kir lê encam derneket.

Maçê, heyecanê, golan, şerê du tîmên mezin di vê nîveka duyemîn de derket pêşberî temaşevanan.

Dengê golê di deqîqeya 73’yan de hat. Li navika sehayê Îlkay Gundogan valahî bikar anî û gog ji Bernardo Silva re şand. Silva bi lez navika sehayê derbas bû û god teslîmê Mahrez kir. Mahrez wisa bi şid lêda, gog ji quncikê ku Courtias girtibû çû bi torê ve eliqî: 0-1.

Di deqîqeya 82’yan de Benzema şûtek avê, ederson destûr neda wî. Paşê di 87”an de Jack Grealish gog heta ser xêzika kelehê jî bir lê Mendy ji ser xêzê destûr neda golê. Û tam kêliyên êdî hemû avantaj di destê City de bû de Rodrygo encam anî 1-1’ê. Deqîqe 90 bû. Hakêmî tam 6 deqe ji bo dema zêde da û piştî 2 deqîqeyan, 90+2 de Rodrygo carek din got em hene: 2-1, Bi vê yekê maç xilas bû û derbasî 30 deqîqeyê zêde bû.

Di 15 deqîqeyên zêde de, di deqîqeyê 95’an de Karim Benzema ji penaltiyê encam derxist 3-1.

Di nîveka duyemîn a zêdek de jî heyecan hebû lê tiştek neguherî û bi 3-1’ê, bi temamî, bi 6-5’ê Real Madrîdê Manchester City şand Îngilitanê û tîma din a îngilîz Liverpool re got were. 

Maça fînalê ya Lîga Şampiyonan a UEFA’yê dê roja 28’ê vê mehê li Fransayê li Stade de Farnce ya li Parîsê bê lîstin.

*

Nûçeya Eleqedar:

 - Liverpool piştî 45’an hêrs bû: 3-2