Diyarname

Di maça duyemîn a nîv fînalê ya Lîga Şampiyonan de Liverpool û Villarreal li bajarê Katalanê hatin ba hev. Di 45 deqîqeyên pêşî de tîma katalan got nîşanî tîma îngilîz neda û 2 gol jî avêtin lê di nîveka duyemîn de hêza wê têr nekir. Liverpoolê bi 3-2 maç bi dest xist û navê xwe li tabloya fînalê nivîsî.

Liverpool bi 2-0 bi ajantaj li mala xwe hatibû deplasmanê. Lê ew di deqîqeyên pêşî de ne li benda reqîbekî wisa bû. Villarreal ku xwe jidandibû di deqîqeya 3’yan de bi gola Boulaye Dia û di deqîqeya 41’ê de bi gola Francis Coquelin bi 2-0 nîveka maçê temam kir. Ev encameke gelek muhîm bû. Sedî 90’ê fûtbolhezan, nivîskar û pêşkêşvanên fûtbolê ne li bendê bûn. 

Di vê nîvekê de Villarreal gog nîşanî Liverpoolê neda, bi organîzeya mezin, bi hevkariyeke bilind û bi coş di vê nîvekê de bi ser ket, lê di nîveka duyemîn de Liverpoolê meziniya xwe nîşan da. Di deqîqeya 62’yan de Fabinho, deqîqeya 67’an de Luis Diav û deqîqeya 74’an de Sadio Mane encam diyar kirin- 3-2.

Di maçê de, bi tabetî nîveka duyemîn de xetayên qeleparêzê Villarrealê Gerinimo Rulli û xetayên defansê kir ku ew têk herin.

HIN ÎSTATÎSTÎK

Bi vê re bû 10 caran Liverpool derdikeve fînalê: 1977, 1978, 1981, 1984, 1985, 2005, 2007, 2018, 2019 û 2022.

Teknîk dîrektorê Liverpoolê Jurgen Klopp jî di dema teknîk dîrektoriya xwe de bû 4 caran derdikeve fînala Lîga Şampiyonan. Klopp dema li Dortmundê bû li hemberî Bayer Munihê di fînalê de winda kir. Dûre li hemberî Real Madrîdê têk çû (2018) û di sala 2019’an de dema ligel tîma îngilîz Tottenhamê fînal lîst vê carê bi ser ket.  Niha Klopp cara 4’an li fînalê ye.

TÎMA DUYEM TÊ

Di maça din a nîv fînalê de tîma îngilîz Manchester City û tîma spanyolî Real Madrid roja 4’ê mehê dê li Spanyayê bi hev re bilîzin. Di maça li Îngilistanê de MC bi 4-3 bi ser ketibû. Tîma ku bi ser bikeve dê bibe reqîbê Liverpoolê.